Xanana Sei Moderador Dialogu Fretilin Vs CPD-RDTL

DILI—Primeiru Ministru (PM), Kay Rala Xanana Gusmao promote atu sai moderador ba Diresaun Consellu Popular Defeza-Republika Demokratika Timor Leste (CPD-RDTL) no partidu Fretilin liu husi dialogu nebe sei realiza iha Dezembru tinan ne’e.

“Nee laos ho massa tomak, diresaun CPD-RDTL nian, tanba iha Novembru nia laran ami tama ona iha orsamentu, ne’eduni prinsipiu Dezenbru hau bele koalia ho Fretilin, iha tempu iha ne’ebe iha fatin ne’ebe ita hasoru malu, tanba ida ne’e kestaun Fretilin no ita hotu nian, tanba imi mai ho bandeira Fretilin, Fretilin mos mai husi Fretilin ida ne’e ita sente ladun diak karik ita bo’ot sira konkorda iha dezembru,” hatete PM Xanana hodi responde ejijensia CPD-RDTL, liu husi sira nia asaun pasifiku nebe halao iha Kampu Demokrasia, Dili, Sabadu (8/10).

Bainhira husi grupu ne’e konkorda, PM, Xanana sei kontaktu lider partidu Fretilin nian hanesan Prezidente partidu Fretilin, Francisco Guterres Lu-Olo, ho Sekretariu Jeral Partidu Fretilin, Mari Alkatiri atu termina loron hodi halo kona ba estatutu Fretilin Movomentu.

“Iha loron hirak liu hau kontaktu ona ho Sekretariu Jeral Partidu Fretilin, katak sira mos prontu atu halo dialogu. Ne’eduni hein deit ita atu termina data iha Dezembru nia laran,” hatete Xanana.

Iha oportunidade ida ne’e, lider husi diresaun grupu CPD-RDTL, Guga alias Maubere hatete mos katak, tuir manual politika Povu maka Fretilin, ne’eduni nia husu ba iha Partidu Fretilin rasik atu haree didiak kona ba manual politika Partidu nian, ho nia Idelojia ida ne’e maka CPD-RDTL lakohi.

“Ami prontu kualker tempu, atu halo dialogu ho Partidu Fretilin. Ami la konkorda Fretilin ne’e atu sai partidu, tanba naran Fretilin ne’e povu nian atu nune’e Fretilin bele halibur ema bele tama husi oin ka kotuk ho livre,” Guga haktuir.

Tuir nia hanoin katak, Fretilin kaer prinsipiu 1975, atu halibur ema hotu laos atu fahe ema hotu depois soran malu baku malu, ne’eduni nia husu ba Xanana atu buka meius oinsa atu bele tu’ur hamutuk entre Fretilin Movimentu ho Fretilin Partidu. Husi CPD-RDTL prontu kualker tempu.

Iha oportunidade ida ne’e, husi membru CPD-RDTL, Guntur informa mos katak, problema ne’ebe mosu iha Fretilin Movimentu ho Partidu Fretilin, ida ne’e problema internal, ne’eduni nia husu ba governu liu husi Maun Bo’ot Kay Rala Xanana Gusmao atu buka solusaun hodi responde ejijensia CPD-RDTL nia ne’ebe durante halo asaun pasifiku durante loron tolu nia laran iha Dili. car

STL, Segunda, 10 Outubru 2011

Quem apreciam essa liberdade e quem está enganando os pobres?

By Tama Laka AQUITA

Um pecado político "Marie Alktiri" que não pode ser perdoado, é um produto legal que assegurem melhor a suas próprias vidas do que as vidas de muitos que ainda são pobres. "Decreto lei Pensao Vitalisia feita e assinada pelo ex-primeiro-ministro Estanislau Aleixo da Silva e Maria Madalena Brites Boavida como ministra do Planu e das finanças, 02/ 2007. (Leia: Decreto lei Pensao Vitalisia)

Besik tinan sanulu ita hakuto a’an hosi kolonialismo iha ita nian rain, besik tinan sanulu ona mak ita restaura ukun rasik a’an iha 20 de Maio 2002. Povu Timor-Leste tomak ho esperanca bo’ot atu hetan moris diak, iha vida moris loron-loron nian iha ukun rasik a’an ida ne’e, tuir dalan nebe’e saudoso, heroi sira mehi ba povu ida ne’e, maibe tinan sanulu ona mak povu hein ho esperanca bo’ot oinsa atu hadia moris, tuir dalan moris nebe sira iha, liu-liu iha sector hotu liu-liu sector nebe sai hanesan “asset mati” ba agricultores sira; Rai, Natar ho To’os.

Ita nian rain iha rikeza oi-oin; mina ho gas nebe potensia bo’ot teb-tebes atu desenvolve povu nian moris, alen de ita iha mina ho gas ita mos iha café, ai-kameli, Nu’u, kamii ai-oan mutin, batar, ai-farina, manganese, marmer ho potensia sira nebe mak bele fo benefisio direitamente ba povu. Ho potensia riku soin nebe mak Rai Timor iha, povu precisa lideranca politico ida nebe ho laran luak hakarak hanorin povu atu hatene saida deit kona ba, saida mak politika; Politika kona ba ekonomia nian, politika kona ba saude nian, politik kona ba edukasaun nian liu-liu kona ba politika agricula i oinsa atu desenvolve ekonomia povu nian nebe povu hetan benifisio diretamente hosi area ida ne’e.

Ukun rasik a’a nebe povu nebe iha rai ida ne’e sacrificka sira nian moris tomak, ukun rasik a’an nebe, povu moris hamutuk ho assuwain FALINTIL no povu nebe fo’o nia contribuisaun itoan ka barak to’o hetan indenpendesia liu hosi dalan “Referendum 99”. Ikus mai, ukun rasik a’an ne’e sai hanesan mehi ida nebe sai realidade, maibe mehi ne’e mehi mamok, tan deit luta nain sira nebe mai hosi liur ho titlu DR, no Engr. halo uluk lei nebe’e bele fo’o garante ba sira nian moris do que povu. Povu lahatene nia moris ne’e atu sai oinsa los.

Tamba sa mak ita hateten povu lahatene sira nian moris ne’e atu sai oinsa? Tamba lideranca politik Partido FRETILIN DR. MARIE ALKTIRI nudar Eis-Premeiro Ministro wainhira resigna a’an tiha apresenta Lei Pensaun Vitalisi nebe nia copy hosi Lei pensaun vitilis Mozambique nian, introduz lei ne’e ba Parlemento Nacional liu hosi Eis-Premeiro Ministro Estanislau Aleixo da Silva hodi halo lei ne’e hodi garante uluk sira nian moris no family nian moris duke povu ki’ik no kiak sira nian moris. Ikus mai se mak sai vitima ba produto lei sira nebe maka sira introduz, no lei sira nebe mak sira aprova? Povu. Povu ida nebe trabalhadores, povu ida nebe agricultores, povu ida nebe moris ki’ak no kbi’it laiha tamba injustisa social sira ne’e. Se mak sala ba decisaun politik nebe mai hosi ita ida-idak nia votos? Ita, ita rasik, ita nebe mak fo votos ba partido politik ho lideranca sira nebe mai to’o iha ita nian Distrito, Sub-Distrito, Suco no Aldeia, lideranca partido politik sira nebe Ita rasik hili, maibe Ita la konyece. Lideranca partido politik sira nebe tinan lima-lima mak mosu mai ita nia oin ho promessa oin-oin ho osan no sasan oin-oin hodi manan ita nian votos iha tempo atu tama eleisaun geral, osan mean nebe ita iha, mak ita votos. Votos osan mean nebe Ita fo’o iha Eleisaun Geral hodi sira ba ukun rai ida ne’e.

Eleisaun Geral dala rua ona mak ita hili no fiar ba sira. Eleisaun geral dala rua ona mak ita fo’o ita nia votos osan mean ba lideranca partido politico sira, votos nebe ita fo’o sem fo’o fila nia valor tomak, tuir ita povu nian hakarak. Maibe tamba ita beik no lahatene lei tan ne’e ita nian votos osan mean nebe’e ita fo’o sai folin laek.

Wainhira Primeiro Governu Partido FRETILIN nebe Lidera hosi DR. MARIE ALKTIRI halo lei sira ne’e mosu, iha ita nian oan sira nebe uluk hakilar lori ita nian lian katak; “Lei Pensaun Vitalisia, lei moe laiha”, sira mos la consegue atu trava. La consegue trava tamba la,os sira lahatene ka laiha konyecimento ba lei sira ne’e, maibe tamba sira hatene katak sira iha ona poder agora atu oinsa atu defende no oinsa bele hametin liu tan. Saida mak acontece iha povu nian oin sai oin seluk, iha parte ida hateten; sei halo alterasaun ou halo revisaun ba Lei Pensaun Vitalisia maibe iha parte seluk husi kotuk assina no aprova tiha lei ne’e.

To’o ohin loron atu tama tinan lima ona, to’o ohin loron atu tama eleisaun geral 2012 ona, maibe to’o ohin loron laiha deputado ida mak barani husu halo revisaun ba lei nebe’e halo povu sai vitima. Deputado sira sempre hateten katak; “ami mak representa povu” mas labele halo alterasaun ka revizaun ba lei nebe mak garante liu lideranca politika sira nia moris depois de tinan lima. To’o ohin loron ita povu ki’ik no kiak lahatene buat hotu kona ba lei ne’e.

Se eis titular iha direito tuir lei nebe sira aprova, povu trabalhadores no camponeses iha liu direito ba “seguro da vida” ka “benifisio” hosi estado tamba sira mak autor desenvolvimento. Benifisio ka subsidiu la’os hetan deit hosi programa desenvolvimento governu nian nebe la’o dadaun ka atu hala’o tuir. Maibe tenki iha benefisio ida nebe direitamente ba familia ida-idak atu nune bele iha esperanca katak estado garante future povu nian oan sira aban bain rua.

Oinsa Lei Pensaun Vitalisia nia lala’ok garante Eis-titular Primeiro Ministro no nia Eis-Titular Ministro sira nia moris iha loron ikus, wainhira sira la tur hanesan primeiro ministro ou ministro ona, ka la tur hanesan secretario estado, ka la tur hanesan Deputado ona.

“Tuir mai hakerek nain hakarak hosik hela ba povu tomak atu hatene oinsa ho Lei Pensaun Vitalisia nebe aprova iha Governu Partido FRETILIN, Governu se deit mak ukun Rai ida ne’e tenki hasai despesa osan ba Ex-Primeiro Ministro DR. MARIE ALKTIRI hodi garante nia moris ho montante osan ida nebe bo’ot tebes enquantu povu sei moris kiak nafatin.

Familia husi eis-titular Primeiro Ministro bele ba rai liur (pasiar ka halo tratamento saude) Estado mak selu hotu. Hetan passaporte diplomatiku, Estado mak hasai osan atu selu ninia uso! Hela iha hotel luxu, han hemu luxu … estado mak selu. Lori ho eskoltu estado mak selu.... Hatama sasan luxu (kareta, material halo uma luxu) estado mak selu, no povu mak agoenta taxa. Loron-loron iha uma deit, sira hetan fasilidade tomak hanesan liu-rai monarquia sira (Inglaterra, Japaun, Espanha, Dinamarka, Noruega, Suessia, nst), estado mak selu… Regalia sira ne’e hotu, sura hamutuk tinan ida bele baku liu $US200, mil dolares americanu.

Lei Pensaun Vitalisia ne’e aprova, iha tempo governo PARTIDO FRETILIN depois de krisi 2006 wainhira MARIE ALKTIRI resigna a’an, iha momento neba Premeiro Ministro ESTANILAU DA SILVA ho MADALENA BOAVIDA nudar Ministra do Planu e das Financas mak assina. Tuir Dekreto Lei 2/2007.

Lista de pedido relatives aos Ex-Titulares dos Orgaos de Soberania

Ex-Premeiro Ministro DR. MARI’E ALKTIRI

1. Contrato de trabalho a termo certo com Senhor Filomeno Aleixo, para trabalhar como assessor do seu Gabinete de trabalho. Senhor Filomeno Aleixo nao e funcionario nem agente Estado, tal como a lei exige e ganha um salario de $2000 dolares/mes;


2. Contrato de trabalho a gtermo certo com a Sra. Filomena Efi para trabalhar como empregada domestic na residencia official $150 /mes;


3. Contrato de trabalho a termo certo com o Sr. Joao Menezes para trabalhar como responsabel de manutencao de rotina, na residencia official $170/mes;


4. Contrato de trabalho a termo certo com o Sr. Abel Noronha para trabalhar como jardeneiro da residencia official $150/mes;


5. Contrato de trabalho a termo certo com o Sr. Manuel dos Santos para trabalhar como o seu motorista $200/mes;


6. Contrato de trabalho a termo certo com a Sra. Palmira de Deus para trabalhar como empregada domestic da residencia official $150/mes;


7. Contrato de trabalho a termo certo com a Sra. Georgina da Costa para trabalhar com chefe do pessoal domestic da residencia official $170/mes;


8. Contrato de trabalho a termo certo com o Sr. Marcelino Bana para trabalhar como seu motorista de reserve $200/mes;


9. Contrato de rehabilitacao da residencia official $429,680.99;


10. Contrato de compra e montagen de movies para residencia official $99,924.89;


11. Contrato de rehabilitacao da residencia temporario $88,408.35;


12. Contrato de arrendemento da residencia temporario$4000/mes, tendo sofrido um aumenta para $6.600/mes depois das obras de rehabilitacao;


13. 2 telemovies para o Gabinete de Trabalho;


14. Viagen do Ex-Titular e respective delegacao ao Sudan do Sul com passage por Portugal;


15. Pedido de comprar de carro para apoio de Gabinete;


16. Pedido de senhas do Combustivel para carro do assessor $1000 dolares/mes;


17. Pedido de pagamento de service de manutencao de viaturas-A1 service $8530,5;


18. Pedido de pagamento de service de instalacao electrica na residencia a empresa TAM ELECTRIC $9934.05

Se Marie Alkatiri hanesan fundador da RDTL ida nebe mai hosi liur ejiji nia direito liu hosi Lei Pensaun Vitalisia (LPV), povu nebe sakrifika nia moris durante okupasaun militar Indonesio iha liu direito ba subsidio ka benefisio hosi estado.

Ho esperanca bo’ot katak; povu sei hetan Benifisio diak liu fali lideranca politik sira wainhira Partido sira nebe tur iha AMP sei halakon tiha lei ne’e maibe to’o ohin loron AMP mos labele halo buat ida atu “kombate korupsaun legal” ida ne’e. Tamba ho Lei Pensaun Vitalisia, eis-titular sira bele simu osan gratuito iha sira nian moris tomak. Tamba estado mak hasai osan ba despesa sira nian familia, no la iha ema ida mak tauk atu hetan akuzasaun tan LPV fo’o proteksaun no imunizasaun!”

Ita hotu sente moris nebe mak ita hasoru, maibe Eis-titular sira la sente, tamba iha Lei Pensao Vitalisia nebe governu anterior “Governu Partido FRETILIN” introduz no aprova sai hanesan lei ida bele garante sira nia moris iha loron ikus to’o mate.

Liu husi Lei Pensaun Vitalisia, eis-titular no nia familia sira bele halo “bisnis” hodi la selu taxa, goza vida tomak hodi la halo servisu ba estado! Se ida ne’e mak lao ona iha ita nian rain. Oinsa ho juventude nebe mak fo’o sira vida tomak ba luta ba ukun rasik a’an ida ne’e? Saida los mak garante sira nia moris aban bainrua nian ? oinsa mos ho juventude sira nebe oras ne’e laiha servisu? Oinsa mos ho povu trabalhadores no agricultores sira la hatene sira nian oan sira nian moris iha loron oin atu sai oinsa?

Liu husi Lei Pensaun Vitalisia, eis-titular sira bele foti osan husi Estado ba despesa família nian. Ikus mai se mak sai vitima ba produto lei sira nebe mak hosi governu anterior apresenta iha Premeiro Governu FRETILIN? Ita rasik, ita sira trabalhadores, ita sira camponeses ka Agricultores, ita sira juventude nebe servisu laiha, ita sira nebe fo’o votos osan mean ne’e ba sira.

Lei Pensaun Vitalisia ne’e hanesan amo Martinho Gusmao hateten katak; Lei Pensaun Vitalisia ne’e hanesan castelo-rocaforte (benteng pertahanan) ida atu nune’e eis-titular sira ne’ebe tama iha laran bele moris hakmatek. Maski Konstituisaun RDTL nian la fo dalan no la fo fatin ba “cargo vitalícia” (jabatan seumur hidup), maibe Parlemento Nasional taka matan deit atu halo “pensão vitalícia” (santunan seumur hidup).

Tuir mai hakerek hakarak hosik hela informasaun nebe iha ba povu tomak atu hatene katak ida ne’e, sira lideranca partido politik sira nebe mai hosi liur hanesan MARIE ALKTIRI HO NIA GRUPO iha liu PLANU ONA BA SIRA NIAN MORIS .

Iha tinan 2008, ex-PM Dr. Mari Alkatiri hahu hakerek surat ba IV Governo Konstitusional, evoka Lei 7/2007, 25 de Julho no mos Decreto 2/2007, 1/Agosto, hosi Governo (FRETILIN), kona ba Direito no Regalias iha Pensaun Vitalisia!

Iha parte ida hateten sai iha public katak; deputado hosi bankada Partido FRETILIN la bele simu kareta, iha parte seluk Eis-Premeiro Ministro DR. Marie Alktiri tinan ida husu kareta foun no simu osan hosi estado no Estado tenki hasai ba despesa familia MARIE ALKTIRI nian durante tinan ida ho montante osan USD $200 mil dolares amerincanu, enquanto povu sei moris susar ho kiak.

Profesores sira nebe sai hanesan ema nebe hanorin futuru nasaun nian moris ho salario menus liu fulan ida USD 300 dolares, ho dedicasaun hanorin hosi aldeia ba aldeia, enquanto infermeiru mediku sira ou ema sira nebe dedika sira nia a’an hodi servi povu iha Sucos ka Aldeia neba moris sem transporte nebe atu bele fasilita sira iha area rural ho salario USD 140 fulan-fulan. Enquanto inan no aman hosi saudoso sira nebe mate hanesan; Nino Konis Santana, Koroasu no sira seluk tan hakerek nain la konsege temi iha ne’e laiha atensaun, hela fatin iha uma a’at no laiha tratamento saude nebe diak, feto faluk ka oan kiak veteranus ida simu USD 100 fulan-fulan, no idozu simu fulan USD 30, Trabalhadores moris ho salario nebe minimu hosi USD 80 to’o USD 100 servisu loron 6 iha semana ida nia laran, laiha “seguro da vida” nune mos ba Funsionario Publiku, Polisia Nasional Timor-Leste (PNTL) ho F-FDTL sira, wainhira hetan azar ka mate iha oras servisu nian ka iha nebe deit, estado so tau matan ba sira, ka hetan subsidiu durante fulan 3 deit. Depois de fulan 3 viuva ho oan kiak sira POLISI ho FFDTL nian moris la hatene atu sai oinsa los!!

Maibe hare fali vantagen hosi lei nebe mak Governu anterior nebe lidera hosi Partido FRETILIN halo. Lei nebe fo’o moris liu Eis-titular Primeiro Ministro, Eis-titular Ministro, Eis-titular Secretario Estado ho eis-titular Deputado sira. Eis-Titular nian moris garante liu ho lei “pensaun vitalisia” (santungan seumur hidup). Hosi lei ne’e, ita hotu nudar povu nebe ki’ik no kiak, tamba ita lahatene no lakoi buka hatene lei, ema matenek sira mai hosi liur halo ita sai beik liu tan.

Ho komparasaun nebe’e hakerek nain cita iha leten hatudu momos katak “pensaun vitalisia” sai hanesan lei nebe mak, nakonu diskriminasaun iha vida moris nudar ema Timor oan i psikologikamente oho povu, tamba Lei Pensaun Vitalisia ne’e garantia liu ukun nain moris duke povu ki’ik no kiak sira.

Lei Pensaun Vitalisia mos halo ema matenek sira hare partido laos hanesan fatin atu ba tau hamutuk hanoin atu desenvolve nasaun ida ne’e, maibe hare partido politik hanesan fatin ka dalan (Batu Loncatan) atu ba hetan poder. Poder politico la’os ona fatin atu ba servi povu, maibe hare poder politico sai hanesan fatin ka profisaun ida, matenek sira la’os ona hare partido politiku hanesan fatin atu hanorin politika ba povu atu hatene politika.

Tamba lei no kondisaun nebe mak iha, desemprego kada tinan sempre aumenta, laiha industria ka fatin servisu , kondisaun nebe iha fo dalan, no mos, fo hanoin ba matenek sira nebe mak foin akaba sira nian estudus S1 S2 S3 ka DR atu aproveita oprtunidade nebe iha, liu hosi hari’i partido politiku no tama partido politik ka hare partido politiku sai hanesan fatin atu hetan “Santunan seumur hidup”.

Wainhira matenek sira hare partido politico la’os ona fatin atu hanorin politika ba povu, la’os ona hare partido politiku hanesan fatin atu luta hamutuk ho povu ba dalan desenvolvimento I la’os ona partido politika hanesan fatin atu luta ba povu nebe kbi’it laiha no mukit nian lian. Iha nebe matenek sira hare poder ka kekuasaan hanesan profisaun katak; tinan lima nian laran tenki aproveita poder nebe mak iha.

Mai ita hamutuk halakon no hapara injustice social-ekonomia no diskriminasaun nebe mak ita hotu senti. Hamutuk ita hakilar ba kolonialista kulit metan. Maubere oan mak ita, ita sira nebe senti moris nebe ita rasik hasoru. Maubere oan mak ita sira nebe moris laiha kbiit to’o ohin loron. Hader ona ba, hamrik ona ba, hamutuk ita hakilar direito ita nian nudar povu nebe’e, ema sei halo beik nafatin. Hamutuk ita hakotuk Injustica social-ekonomi no Diskriminasaun nebe iha, liu hosi Julgamento Politiku Eleisaun Geral 2012. Obrigado.

Lista de pedidos relativos aos Ex-Titulares dos Orgaos de Soberania (Ex-PM, Mari Alkatiri)

Oin Foun Hamosu Deskontente Iha Estrutura Fretilin

DILI – Maske lider balu iha mundu apresia ho 3° kongresu partidu Fretilin, nian, maibe deferente ho estrutura eleitu partidu historiku nee nian nebe lamenta ba politik lideransa Lu Olo ho Mari Alkatiri nian hodi hili ema oin foun balu ba membru CCF.

Kongresu nasional Fretilin nebe halao durante loron 3 iha eis merkado lama Dili, nebe konsenge hili duni delegadus hamutuk nain 90 tama ba membrus Comite Central da Fretilin (CCF).

Iha dehan kordenador Fretilin husi Sub Distrito Vera Cruz Rita Doutel Sarmento, ba jornalista sira iha ninia rezidensia Farol-Dili, Motael Segunda (12/9).

Nia hatete nudar kordedora OPMT husi Distrito Vera-cruz atu hato’ deit katak, nia la Nega Partidu Fretilin maibe’e rejeita total hahalok nebe prezidente Lu-olo ho sekretariu jeral Fretlin Mari Alkatiri halao’o durante kongresu nia laran, ami la simu nusa maka hili fali ema nebe foin tama ba estrutura CCF nian foin fulan haat lima neen deit sai fali delegadu ba membrus CCF, nusa maka la hili ema nebe iha strutura CCF nia durante 1975 ate “agora, tanba saida,? I ami deklara katak iha eleisaun ami sei hili tuir ami nia hakarak, no agora “ami sei diskansa lai ho kakutan malirin para afilha ba partidu seluk, tanba durante ne’e Mari ho Lu-olo buka “ami nia diak deit, la hare ba terus nebe maka durante ne’e “ami hasoru iha Fretilin nia laran,” tenik Rita.

Entretanto iha fatin hanesan dehan Vice Kordedor OPMT Partido Fretelin nian ba sub distrito Vera-Cruz. Martinha dos Santos, hatautan tan katak, lia fuan ida Fretelin “ami la nega,tanba ema barak mate tanba Fretelin, laos mate tanba Alkatiri ho Lu-olo, jadi atu hili ema ba delegadu ka sai membrus CCF ba future oin mai tenke hare uluk ema nebe maka terus no luta duni ba partidu ida ne’e, laos hili fali ida ne’e maka foin tama ba estrutura partidu ne’e nian le’e,” tenik Martinha.

“Ami nia hakarak ne’e tenke hare lai ema sira nebe antigu iha etrutura nia laran,no durante fo a’an ba hodi servisu mate didiak iha partidu ne’e nia laran, no “ami mos la simu katak, Sr. Gergorio Saldanha nebe momentu halibur joventude 12 novembru mos naran la tama iha laran, ninia ferik oan maka naran tama maibe’e sai fali hanesan suplente ba iha delegadu foun sira, tuir lolos ne’e nia lebele sai suplente, tenke sai delegada ba iha membrus CCF, ida mos “ami la aseita. “Ami sei hamutuk ho “ami nia kordedora Kamarada Rita atu diskansa lai husu ba Mari ho Lu-olo atu buka fali membrus seluk truka iha ami nia fatin, no iha eleisaun mai mos “ami sei hili tuir ami nia hakarak ona, tanba partidu Fretelin la rekoinese “ami hanesan membrus CCF nebe maka fo kontribuisaun makas ba iha servisu partidu nian durante ne’e, atu kalan mos “ami pronto, sempre pronto iha sa oras deit,” nia hatete.

Nunee hanesan deit husi Sinorinha A hatete nia hare kongresu ne’e laiha olusaun nebe maka diak ba iha militante tuan sira, diskursu ba orsamento Segundo kongresu mos la aprejenta ba militante sira, halo nusa maka “ami bele fiar “ami nia partidu rasik.” Hateten Senorinha. son

STL, 13 Setembru 2011

Eleisaun direta Partidu FRETILIN, abstensaun 68,48% iha distritu Viqueque

Dili. Tuir informasaun ne'ebe maka hetan husi KNPO iha sede CCF, Dili, katak: total militantes ne'ebe rejistu iha distritu Viqueque hamutuk 44258, vota ba lista Unika LUMAR (Lu'olo/Mari) hamutuk 13952 (31,5%) no la vota hamutuk 30306 (68,48%).
Husi fonte iha KNPO mos hato konaba rezultado iha Sub-distritus: Watu lari, Watu Karbau, Ossu,Lac-luta e Viqueque Vila.

Watu Lari:
Total rejistu: 10831
Vota ba lista LUMAR: 5000...46,16%
La vota ba LUMAR: 5831....53,83%

Sub-Distritu Watu karbau:

Total rejistu: 4345
Vota ba lista LUMAR: 1006...23,15%
La vota ba LUMAR: 3339...76,85%

Sub-Distritu: Ossu
Total Rejistu: 11162
Vota ba LUMAR: 3600...34,25%
La vota ba LUMAR: 7562...67,74%

Sub-distritu Lacluta
Total rejistu: 4375
vota ba LUMAR: 949...21,69 %
la vota ba LUMAR: 3397...77,65%

Sub-distritu Viqueque Vila
Total: 13536
Vota ba LUMAR: 3397... 25,09%
La vota ba LUMAR: 10139...74,9%
AL!

Eleisaun direta Partidu Fretilin, se maka manan?

Eleisaun direta ba lideransa partidu Fretilin ho pakote uniku sai nudar ajenda importante ne'ebe maka lideransa husi partidu ne'e hakarak hatudu ba Rai Timor-Leste katak sira iha duni poder hodi bele manan eleisaun iha 2012. Mai husi relatus no informasaun bal-balun hatudu katak, povu ladun entusiasmu ida, ate iha centru votasaun balun, elementu KNPO tenki lao ho migrofone koalia haleu bairo ka aldeia hodi mobiliza ema ba vota. Iha lokalidade balun militante balun tenki ba obriga ema ba vota.

Hare mos husi TVTL iha ninia telejornal segunda-feira (22/08), ladun hatudu iha mobilzasaun ida makas ka hanesan espetativa ne'ebe maka komisaun organizadora pretende.

Iha Dili laran, iha sexta feira kalan militante balun tenki lao ho microfone ba koalia hodi bolu ka obriga ema ba vota iha sabado. Iha bairo balun iha Comoro ne'eba, sei iha Domingo (21/08) mos sei mobilzia ka koalia microfone tama sai bairo obriga ema ba votu.

Dadus balun tan maka, bele mos vota sira ne'e la iha kartaun militante nem rejista mos bele ba vota, tan deit votantes ka sira ne'ebe rejistadu. Ho realidade ida ne'e, se maka manan iha eleisaun direta ne'ebe maka lideransa partidu Fretilin hananu los ne'e, sira maka hahu buat foun ba RTL. Hein katak KNPO sei anuncio rezultadu iha fulan setembro ka molok rohan fulan agosto. Maibe atu ninia rezultadu ne'e se maka atu bele asina nudar sinal ba rekonecimentu ba rezultadu ne'e justo ka lae. la iha manipulasaun. Iha Timor-Leste, so STAE maka bele halo servisu ida ne'e.

Parte seluk mos, se maka bele garante ba votus sira ne'ebe mamuk iha eleisaun ne'e rasik, Kaixa sira ne'e lori mai ne'e taka metin ka nakloke ona. Buat sira ne'e hotu, halo balun sei ladun fiar ba ninia rezultado final. Partidu sei mai dehan, ne'e particisaun maxima, kandidatura pakote unika hetan lejitimidade ho 80%. Balun fali dehan, ne bahasa dehan katrol deit. Ida ne'e sei dada malu ba mai, se maka iha razaun no se maka lae. Eleisaun interna ida ne'e partido bele kanta. Maibe eleisaun jeral 2012, ninia rezultadu oin seluk ho eleisaun direta no oin seluk ho eleisaun 2007 nian. Ne'ebe, cedu demais atu kanta ka hananu manan ba eleisaun 2012!

FRENTI-MUDANÇA vs FRETILIN...Mari Alkatiri sei lori Fretilin hanesan PDI Suryadi?

Iha Indonesia, iha Partai Demokrasia Indonesia (PDI), wainhira mosu kongresu iha tinan 1993-1994, hahu luta ba poder iha PDI nia laran. Mosu KLB (Kongres Luar Biasa) dala rua, iha Medan no surabaya. Mosu figura foun ne´ebe maka bele halai hadau malu, Suryadi ne´ebe hetan suporta husi Rejime Suharto no figura Megawati Sukarno Putri. Tanba tempu ne´eba rejime forte neduni Megawati la konsegue tanba hetan sabotajen oi-oin husi kubu Suryadi ho aparelu estado Orde Baru. Ikus mai iha tinan 1996/97, Megawati ho ninia forsa harii partido mesak hodi fo naran PDIP, demarka husi PDI. Iha era demokrasia, PDIP manan iha eleisaun jeral 1999 no PDI Suryadi, lakon no agora la iha representasaun iha DPR!

Historia mos hanesan iha partido FRETILIN, iha Grupo Fretilin Mudança (GFM), mosu hodi halo oposisaun ba lideransa Mari Alkatiri. Sira tenta envolve ba debates politika iha kongresu 2006, apresenta sira nia kandidatu rasik ba lideransa. Maibe hetan sabotajen husi aparelu ne´ebe domina partidu Fretilin.

Ho tempo, ikus mai GFM transforma ona ba partidu politika ho sigla: FRENTI-MUDANÇA. Ba eleisaun 2012, Partidu FRENTI-Mudança no partidu FRETILIN sei ba hadau eleitoradus FRETILIN nian. Ida defende kontinuidade ka status quo no seluk ruptura ho lideransa partidu. Mari Alkatiri ho Fretilin, sei lao tuir dalan PDI Suryadi iha Indonesia. Hein hodi hare!

Mari Alkatiri dehan PEDN ne´e AMP no laos FRETILIN nian, Maubere-Aileba lalika vota tan ba Partidu ne´ebe lakohi dezenvolvimentu

Dili. Mari Alktiri lori Sekretariu Jeral Partidu Fretilin nia naran, haktuir katak: "PEDN ne´e AMP nian, neduni Fretilin manan no ukun sei la uja PEDN (TVTL, 15/07/2011)". PEDN ne´e povu Maubere-Aileba sira nia oan maka elabora.

Ho sira nia matenek maka halo PEDN, oinsa maka lider ida, subar iha partidu historika nia liras hodi bosok povu Maubere/Aileba. Afinal Mari Alkatiri hakarak maka explora povu liu husi sira votus, e depois lakohi ba povu nia moris diak, lakohi dezenvolvimentu ba povu Maubere-Aileba sira.

Nia hakarak maka diak no moris luxu ba nia ho nia familia, sira hetan beneficiu husi Pensaun vitalicia ne´ebe aprova ho nakdedar molok termina nia mandatu. Hetan beneficiu hanesan: osan manan 100% hanesan sira ne´ebe maka ativu , hetan beneficiu ho exportasaun ba sasan husi liur livre husi taxa, hetan direitu ba facilidades sira seluk. Ida ne´e maka lider Maubere no Aileba? Laos, Mari Alkatiri lori bandeira Fretilin subar an hodi defende ba ninia interese burgesa.

Maubere no Aileba, lalika vota tan ba Mari Alkatiri no Partidu ne´ebe lidera husi nia rasik. Vota ba Alkatiri ne´ebe subar iha Fretilin hodi suku liras ba nia ho familia no sira nebe maka hetan beneficius maka moris diak.

Povo Maubere Aileba, lalika vota tan ba Mari Alkatiri tanba fo moris diak ba sira no sira nia grupos deit. Mai ita hamutuk dehan lae ba Mari Alkatiri ne´ebe explora povu Maubere/Aileba nia lian no votus manan votus no ukun haluha ona aileba no Maubere sira!

Xanana despede Ramos Horta ho mata ben---hanesan despedida ida ba PR?

Dili. Iha serimonia ba taka TLDPM, loron Quarta-Feira (13/07/2011), PM Kay Rala Xanana Gusmao, koalia ho mata bem sai, wainhira referensia ba Presidente Republika ne´ebe hola parte iha surumutuk TLDPM loron rua (12-13). PM koalia ho emosaun, tanba atitude PR nian ne´e hatudu responsabilidade moral no sintidu Estadu nian.

Ba hanoin no komentariu barak katak Xanana koitadu ba Ramos Horta, tanba iha ninia fim mandatu ona, foin nia hatudu atitude nebe maka kooperasativa ho Governu. Foin fulan hirak liu ba, PR joga hela papel oposisaun nian hodi la promulga OGE2011, no husu sala tan parecer juridika ba PGR ne´ebe diploma ne´e responvsabilidade exklusifva husi PR nian. Ikus Tribunal Rekursus konfirma katak Diploma ne'ebe konba OJE2011 tuir dalan no konstisional. No atus seluk tan, durante iha mandatu Ramos Horta nian, nia buka oinsa maka joga ba Governu hodi oposisaun nia naran, hanesan defende atu Mari Alkatiri maka envolve iha Negociasaun ba Tasi Timor, ect.

Hanoin balun katak jogo husi Xanana oinsa maka isola Fretilin no lori PR ba suporta PEDN. PEDN hetan apresiasaun bot husi parceirus internasionais sira liu husi sira nia deklarasaun durante apresentasaun PEDN.

Wainhira PM Xanana mata bem sai, la hetan reasaun emosional husi publiku, babain katuas Xanana maka emosional. Sempre bolu publiku ka dada publiku mos emosional. Mai ida ne'e, nia koalia emosional ba Ramos Horta, ne´e ba publiku ida ne´e hanesan laos personajen neé maka bolu publiku bele tuir mos emosional. Tanba fator Horta.

Iha balun fali dehan katak Horta ninia presensa iha CCD (ex-Merkadu Lama) loron rua ne´e, hatudu katak Horta buka besik, hodi ba husu apoio husi Xanana ba ninia re-kandidatura ba Presidencia Republika. Hanoin sira ne'e hotu, iha fatin no iha ninia razaun mesak, maibe problema maka ne'e povu Maubere Aileba laos facil atu hetan manipulasaun. Sira hatene distingui se maka Anjo no se maka Diabu. Diabu atu muda ba Anjo mos sira matan moris no neon nain hela!

FRETILIN lakohi Desenvolvimentu, boicoto ba PED liu husi Walk out husi PN

Dili. Partidu Fretilin lakohi desenvolvimentu nasional, tanba ne'e maka sira boicoto ba PED liu husi Walk out husi PN. Fretilin ida uluk movimentu, ninia papel importante hodi lidera procesu no mudansas ne'ebe hasoru hodi organiza, to'o ikus liberta rai Timor-Leste husi okupasaun estranjeirus.

Maibe Partidu ida FRETILIN, ne'e ninia aspirasaun la hanesan ona FRETILIN Movimentus, partidu FRETILIN luta ona ba kadeiras, ba intereses grupos kiik oan ida ne'ebe maka uja naran FRETILIN ninia istoria sofrimentus, istoria heroica hodi funu ba sira nia intereses.

Boycoto ba PED, ne'e hatudu katak Partidu FRETILIN lakohi desenvolvimentu, hakarak maka Timor-Leste atrasadu, la desenvolve.

Partidu Fretilin lidera husi Mari Alkatiri, fo instrusaun ba bankada lidera husi Aniceto Guterres ne'ebe fo ordem ba bankada hodi walk out husi debate iha Uma fukun PN, segunda-feira (11/07/2011).

Aileba Maubere oan sira hotu, husi foho tun to'o tasi ka tetuk, lalika vota tan ba Partidu FRETILIN ne'ebe maka lakohi desenvolvimentu, lakohi paz, lakohi dialogue, hakarak maka ukun maibe ukun ba sira nia hakarak ninia interese, proteje sira nia interese, intereses Mari Alkatiri no colega sira nia hakarak, hakarak dumina ekonomia maka kaer Mina iha Tasi Timor, domina politika liu husi ukun, liu husi domina ba aperelu justisa buka preseguisaun politika ba adversariu politika, exemplu konkretu kasu Jose Luis Guterres, intensaun politika lori justisa nian naran...

Povo Maubere, Aileba lalika vota tan ba Partidu Fretilin, imi la lakon, tanba iha ona partidu ne'ebe maka representa Fretilin movimentus, hanesan CNRT ho Xanana, Frenti-Mudancas, PD, PSD, UNDERTIM no sel-seluk tan ne'ebe hakarak diak ba rai ida ne'e no povu ida ne'e. Sira ne'ebe hakarak hadia povu nia moris...!

Eleisaun direta Partidu FRETILIN, atu lejitima deit lideransa eterno Lu'olo/Alkatiri

Dili, Aileba Lian. Eleisaun direta ba lideransa Partidu Fretilin ne'ebe lidera husi Lu'olo/Alkatiri, atu lejitima deit figura lideransa nain rua nian. Maske sira nain 2 kaer ka ukun ona partidu Fretilin tinan 10 (2001-2006, 2006-2011) maibe Lei ka regulamentu sira ne'ebe hakerek iha Estatuto Partidu Fretilin nian, aprova husi kongresu tinan 2001, katak "lideransa limite ba periudu rua deit".

Fakta maka ne'e, lideransa Lu'olo/Mari Alkatiri, kumpri ona periudu rua, maibe CCF hola dezisaun hodi kontinua ho lideransa nain rua, maske seidauk halao kongresu maibe altera ona dadaun Estatuto Partidu Fretilin, hodi ba atende ba interese ba manutensaun lideransa nain rua nian, Lu'olo/Mari Alkatiri nudar lider eternu ba Partidu Fretilin.

Se tuir regras normal, iha kongresu maka bele altera konaba Estatuto Partidu Fretilin nian hodi loke dalan ba hatutun lideransa Lu'olo/Mari Alkatiri. Maibe realidade oin seluk, partidu Fretilin adopta modelu eleisaun direta hodi lejitima deit lideransa eternu, Lu'olo/Alkatiri!

O Pecado Politico do Marie Alktiri e Ramos Horta*

By Aquita

Tempo to’o ona povu tenki hatene: Tansa mak Australia ejiji nia direito ba Kadoras Greater Sunrise? No se mak trai povu nia direito ba soberania tasi Timor? Tinan 10 ona mak ita nia rain hetan independensi, tinan 10 ona mak ita nia eis Premeiro Ministro DR. Marie Alktiri no Eis... Ministro Negocio Estrangerio (actual Presidente da Republica) DR.Jose Manuel Ramos Horta sempre ho vaidoso koalia ba povu katak; tamba sira nian matenek no esperiensia diplomatiku nebe luan iha diaspora durante periodo ocupacao Indonesia mak ohin loron Governu AMP bele gasta osan estado nian “arbiru deit” hosi fundu minirai nain. Pior liu tan, ba asunto negocisaun dada kadoras hosi kampu “Greater Sunrise” mai Timor, sira nain rua nian rua fo Kulpa maka’as ba governu Australianu ho nia kompanhia Woodside maka lakoi authoriza atu dada mai Timor. Hosi parte seluk, povu kontinua “inocente no ignorancia” ba asunto ida ne’e tamba durante ne’e sira “taka” problema ne’e nia hun nebe sira rasik mak kria no semi ha konhesimento husi povu.

EZIJENSIA bo’ot hosi povu Timor tomak atu dada kadoras husi kampu “Greater Sunrise” mai area Tasi ibun Suai-Betano-Beasu kontinua forte nafatin. Ita nia Governante sira, hahu kedas husi premeiro to’o quatro governu konstitusional-sempre –inkoraja nafatin povu katak iha tempo badak nia laran”pipeline” sei dada mai teritori Timor. Povu kontinua ho mehi nebe husi fantasma governantes sira prega ba sira katak; iha future ita sei sai nasaun riku ho kondisoens ekonomia nebe diak liu iha Asia-Pasifiku nia laran. Fantasma ne’e halo povu toba la dukur no ida-idak nia mehi ba nia a’an , nia familia no nasaun iha future mai.De factu se povu hatene lolos saida mak eis-premeiro ministro DR. Marie Alktiri ho eis ministro negocia estrangeiro DR. Jose Manuel Ramos Horta “halao ka assina” no “koalia” ba assunto negociasaun Tratado Tasi Timor, entaun povu sei hare kedas se-mak “Verdadeiro Traidor” no “Double Agent” ba soberania Tasi Timor no riku soi povu tomak nian. Nune - sem – duvidas – povu hanesan nain ba soberania RDTL nian, tenki hatene hetan esklaresemento nebe justu no honesto husi ninia eis-governantes sira nebe desde inicio kedas hadau malu kaer pasta ba assunto Rekursu Minarai nian.

PEKADU POLITICA nebe povu tenki hatene mak, hahu kedas iha loron 20 de Maio 2002, iha eis-merkado lama(agora DCC), Governu Timor-Leste representa Premeiro Ministro DR. Marie Alktiri ho Governu Australia, nebe representa hosi Premeiro Ministro John Hower assina Tradadu Tasi Timor(Timor Sea Treaty). Husi Tratadu ne’e rekonhece no regula iha anexo E, Artigo 9 (b) kona ba “Unitization of Greater Sunrise” no tuir mai iha Dili, loron 6 Marsu 2003, DR Marie Alktiri, assina ho Governu Australia hodi kesi-mate liu tan Tratadu Tasi Timor ne’e ho International Unitization Aggrement (IUA). Iha acordo ne’e hateten katak; “Acknowledging that Timor-Leste and Australia agreed under Anex (E) of the Timor Sea Treaty to unities Greater Sunrise on the basis that 20,1% of Greater Sunrise lies within the JPDA and that production from Greater Sunrise, katak; kampu sira Greter Sunrise nian toba iha 79.9% iha area jurisdisaun Australia nian no 20.1% iha Area Petroleun Devolpment Lisuk (JPDA), nebe Australia ho Timor-Leste komparte”.Ida n e signifika katak; Australia hetan direito eksplorasaun nebe boot liu ba kampu “GreaterSunrise” tamba ita rekonhece no assina ona liu husi Tratadu Tasi Timor (Timor Sea Treaty) no akordu IUA. Nia-nia konsekuensia mak; otomatikamente ita lakon ita nia direito ba tasi mane nebe tuir direito konvensaun internasional ka United Nations Convention on the Law of the Sea (UNCLOS) Seksaun 2, Artigo 3,4,5 nebe regularize katak nasaun ida-idak iha nia direito ba area territorial maximu 12 mil. Nune mos, baseline ka linha base atu sukat fronteira mak rai liur husi ilha ka kontinente nasaun ida-idak nian. Se karik bazeiahusi direito nebe ita iha husi UNCLOS, mak kuaze 100% husi kampu “Greater Sunrise” pertencia tomak ba direito absoluta soberania Timor-Leste nian.Manobra seluk nebe pior liu tan mak; iha Sydney-Australia, loron 12 Janeiro 2006, DR. Jose Manuel Ramos Horta nu’udar Ministro Coorperacao RDTL ho Ministro Negocia Estrangeiro Australia, Alexandre Downer assina akordu ida nebe bolu; “Certain Martima Arrangement in the Timor Sea”, nebe regularize kona ba periodu tratadu ne’e, hanesan hakerek iha Artigo (12) “Period of this Treaty” katak; Tratadu ida ne’e valido to’o tinan 50 (lima Nulu) ba oin to’o esplorasaun mina maran.Hahalok Traisaun hirak ne’e, to’o agora kontinua sira taka ba povu.

Atitude ida ne’e tuir psikolog sira bolu “double Talk”. Ikus mai ni-nia konklusaun mak; “what Marie Alktiri-Ramos say” diferente ho “What they do”. Nune, wainhira sira dihan “Kadoras sei dada mai Timor”, pelo kontrario, “Kadoras sei la dada mai Timor”, tamba sira fo tiha ona povu ba nia direito soberania Tasi Mane nian ba Governu Australia ho rekonhesimento legal (International Unitization Aggrement), ba kampu Greater Sunrise: 79.9% + 10.5% (JPDA) = 89.95% iha area jurisdisaun Australia nian.

Povu tomak tenki kondena no foti aksaun nebe konkreto hasoru hahalokn traisaun konstituisional ida ne’e. Nusa-mak ita temi traisaun konstituisionais? Katak ; Bazeia husi Artigo 95, versikulo 2 ho Artigo 4 Konstituisaun RDTL nian fo direito Eksklusivo ka kompetensi Parlemeto Nasional nian (laos Governu) atu halo lei baziku ka lejislasaun kona ba: Rai-Ketan RDTL nian. Tuir Artigo No. 4 no Limete bee tasi laran Timor nian no mos zona ekonomico eksklusivu ho tan direito Timor-Leste nian ba zona tatuan no plataforma continental.Hahalok ka aktus sira nain rua nian (DR. Marie Alktiri ho DR. Jose Manuel Ramos Horta)frankamente viola tiha ona normas baziku konstitusionais RDTL nian no mos ba future sei implika big loses ka ita sei lakon buat barak tan husi aspeito ekonomia, politika liu-liu ba soberania Tasi Timor nian.Nune’e hahu agora povu Timor-Leste tomak tenki ejiji ba DR Marie Alktiri ho DR. Jose Manuel Ramos Horta atu responsabiliza sira nia aktus nebe-sem halo konsultasaun ho povu – sira assina nonok no foan tiha ita nia soberania no riku soin Tasi Timor(kampu Greater Sunrise) ba Australia. Pekadu politika ida ne’e kontinua hanesan hahalok reprodusaun husi lideranca 75 nian. Se uluk povo kondena maka’as Deklaracao Balibo 1975, nebe lideranca integrasionista sira fan ita nia soberania ba Indonesia, agora mos ni-nia ESENSI hanesan deit, nia kulit mak troka ba mai. Tratadu Tasi Timor-dala-ida tan tenki ita TRAVA, se ikus mai nia konsekuensi laos DR. Marie Alktiri ho DR. Jose Manuel Ramos Horta mak sei lori maibe geracao ba geracao mak sei sofre ba hahalok TRAISAUN ida ne’e. Obrigado.

*Artigu ne'e foti husi autor post iha FB!

Mari Alkatiri hakarak salva an, hahu tabele ba naran Xanana

Sekretariu Jeral Partidu Fretilin/Revolucionariu, hahu dadaun buka dalan ba salva an. Iha dalan barak, oinsa maka fila lalais ba kaer ukun ka poder. Kadeira poder ne’e ba Mari Alkatiri ne’e, la hetan ne’e ladiak. Kalan toba la dukur, iha metodu rihun ida ho resin maka uja no buka aplika oinsa maka fila lalais ba kaer ukun. Hela kleur liu nudar Oposisaun ladiak,tanba ne’e maka wainhira AMP foin hahu ukun, Mari Alkatiri ho ninia diskursu katak target fulan nem (6) to’o tinan ida (1) AMP monu. Promete liu husi mobilize massa ba Marcaha ba Paz. Ikus mai iha 20 Maio tinan 2009, bandeira Monu, Mari Alkatiri hananu katak bandeira monu, governu Monu, Xannaa monu.

Mari Alkatiri buka sai sik dor ida, maibe ninia sik sira ne’e dala barak maka faila. Tanba ema ne’ebe atu sik buat ruma los, tenki fiar ba buat ne’e, maibe Mari Alkatiri la fiar no hatene maka halimar nanal deit, bobar lia tun sae, tinan 3 ba kotuk dehan aat ba Xanana, insulta tun sae. Ikus mai dehan diak fali ona, atu salva husi tahu laran. Afinal lolos ne’e maka Mari Alkatiri maka iha tahu laran, oinsa uja Xanana hodi hasai nia husi tahu laran. Hanesan mos Mari Alkatiri uja naran Fretilin hodi ba kaer ukun,uja naran sira hanesan Rogerio Lobato hodi kaer ukun, ikus mai nia husik hela sira ne’e. Agora objektivu maka uja Xanana hodi atinji ba ninia objektivu pesoal maka fila ba kaer ukun no manipula ba aparelu poder politika, poder ekonomika no judicial!

Sunu Bandeira,probaganda baratu no uja metodo antiga

Dili. Foin dadaun ne'e, komunidade hakfodak ho asaun sunu bandeira iha Suku Bekora,Sub-distritu Cristo Rei, Distritu Dili. Tuir sasin iha terenu katak, sunu bandeira ne'e provoka husi klosan sira husi partidu balun ne'ebe hemu tua to'o lanu tiha hafoin ba sunu iha bairo ne'ebe laos pertence ba partidu ne'ebe ninia bandeira sunu ne'e. Provoka reasaun husi klosan sira husi partidu ne'ebe maka sira nia bandeira hetan sunu. Tuir sasin husi sra. Bisoko ne'ebe konsidere nudar, "Keta Hakfodak Ba Ilustrasaun Polítika Sira Ne’e (http://partidocnrt.com)". Hakerek iha web CNRT nian,"Iha parte ida ne’e, hamosu provokasaun atu halo povu hakfodak no halai tan maibe povu la’os beik atu monu tan ba raikuak . Povu hatene ona saida maka diak no saida maka aat tamba ne’e husik povu maka deside nia hakarak tuir razaun no vizaun polítika ne’ebé partidu sira hato’o ba povu iha Nasional to’o Baze liu husi sira nia programa.

Iha parte seluk, hamosu provokasaun ne’e atu destroi relasaun no konfiansa povu ho lider politiku sira no lider ho lider sira. Ida ne’e sintoma moras politiku nia ne’ebé seidauk tasak. Ida ne’ebé halo ka sunu Bandeira ne’e karik nia la’os ema timoroan, se nia ema rai nain tenke hanoin uluk maka halo asaun la’os halo nara-naran deit.

“Ita tenke konsiente ba saida maka ita halo tamba bandeira ne’e objetu ida ne’ebé laiha liafuan , ita mos tenke hanoin katak bandeira ne’e ema barak sosa ho ran , nia nega matebian sira nia ruin no ran, matebian sira sei husu no hare nia. (idem)”.

Se maka moris iha okupasaun Indonesia nia ukun,sunu bandeira ne'e probaganda ne'ebe konsidere nudar baratu no uja metodu ne'ebe uja iha Indonesia nia ukun. Oinsa maka sunu ka destroe objektu ne'ebe simboliku ka sagradu hodi provoka hirus ka eufuria husi komunidade. Exemplo deit, iha tempo okupasaun, dala barak maka destroe objektu sagradu sira hodi provoka hirus husi komunidade hasoru okupasaun Indonesia. Ida ne'e pratika ida iha tempo okupasaun nian. Agora mos hanesan,laos tempo ona karik.

Publiku mos kestiona ba Partidu Oposisaun Fretilin ne'ebe uja momentu ida ne'e hodi halo probaganda. Liu husi Parlamentu Nasional, liu media, hotu-hotu hananu muzika katak "Sunu bandeira bele provoka instabilidade". Karik ida ne'e duni maka objektivu, maibe hare husi reasaun komunidade,liu husi sasin sra.Bisoko no sel-seluk tan hatudu katak, povu mos matan moris no neon nain hela,lakohi monu tan ba lasu sira ne'e!

Partidu Fretilin la fiar an ona

Partidu Fretilin, lidera husi Lu´olo/Mari Alkatiri, la fiar an ona. Hatudu liu husi diskursus politika, manifestasaun kontra Lei , militante partidu Fretilin hahu tama ba partidu seluk no kada vez mobilizasaun masa menus ba bebeik.

Diskursu politika representa husi lideransa,destakada ba Mari Alkatiri, hatudu katak inseguru no la fiar an ona. Inseguru bele pesoal no mos bele kolektiva. Hatudu momos katak eleisaun iha 2012 laos facil ona. Iha tinan 2007, iha marjen ba manan hodi ukun maibe agora liu ona tinan hat iha oposisaun laos ona facil ba Mari Alkatiri ho ninia companhia limitada hodi prepara simu rezultadu eleisaun.

Manifestasaun kontra Lei, seidauk to´o biban maibe halo ona manifestasaun iha dalan, ho motor no kareta. Provoka ordem publika. Tuir lolos CNE nudar orgaun ne´ebe maka supervisiona ba partidus politika sira tenki bandu no halo sansaun. Parece que asaun husi partidu balun, halai ho motor no provoka kaus ba ordem publika.

Militante tama ba partidu seluk, hare asiste iha TVTL segunda-segunda, konsolidasaun Partidus Politikus sira. Fretilin reklama katak lori militantes husi partidus seluk ba tamba ba sira nia partidus. maibe partidus seluk mos reklama katak militantes Fretilin mos tama ba sira nia partidu.

Mobilizasaun menus ba bebeik, mobilizasaun oras ne´e dadaun laos facil ba partidu Fretilin depois iha ona oposisaun no la muda iha postura diskursu la atrai ona ba eleitoradus sira. Mobilizasaun hahu menus ba bebeik husi loron ba loron. Sei demonstra liu tan iha eleisaun iha tinan 2012.

Tanba ne´e maka iha motiva ba preokupasaun ba lideransa partidu Fretilin katak la fiar an ona!

Rai iha Timor Plaza nia sorin Familia Alkatiri hadau husi rai nain iha Indonesia nia ukun

§ Dili, Aileba Lian (AL). Tuir ema hotu hatene, se maka rai barak liu iha Dili laran, bele sura ho liman fuan deit, familia Carrascalao, Alkatiri no Albano. Sira hetan beneficiu husi kolinial Portugal nia ukun, iha tempu liu husi dekretu Governador, halo kontratu entre Administrasaun colonial ho sira ne’ebe maka nudar koloboradores ba autoridade colonial. Kompensasaun ida ne’e, autoridade colonial fahe rai parte Tasi ibun ba familia Alkatiri hodi kuda nu, husi parte delta agora ba familia Albano hodi halo natar, no parte Comoro to’o ba rai kotu ba familia Carrascalao hodi halo explorasaun ba industria Tabaco.

Maibe dekretu ka Lei colonial maka fo dalan no mahon ba sira hodi explora rai povo Maubere/Aileba nian. Iha tempu Okupasaun illegal Indonesia nian, familia rua (2) Carrascalao ho Alkatiri hetan beneficiu husi autoridade adminsitrasaun okupantes nian. Sasan sira ne’ebe dehan katak pretence ba sira fan hotu ona, hare deit parte Pertamina oras ne’e dadaun fan ona ba autoridade okupantes Indonesia. Oras ne’e dadaun mos sira sei reklama katak ne’e pertence ba sira nian. No fo arendamentu ba tan ema seluk, inkluindu Pertamanina rasik no aluga parte sorin hodi halo konstrusaun edificiu foun.

Tuir sira ne’ebe maka nain lolos ba rai ne’e lokaliza iha Timor Plaza nia sorin, ne’e nain lolos husi Timor oan lubung ida, inkluindu Sr. Jose Soares ne’ebe hela iha Manleuana. Husi familia balun ne’ebe nain lolos ba rai iha Timor Plaza denuncia husi Face Book (FB) katak “tuir Vitor Lay, husu tok ba Mari, nia hatene ga lae? kona ba rai familia Alkatiri sira dehan sira nian ne, hau hatene uituan kona ba rai ida PLASA TIMOR ne se nia rai? sira nia familia hadau husi povu beik ten sira iha tempu indonesia... Tempu indonesia povu labele koalia, agora mos povu sira sira hadau ne labele koalia nafatin, neduni rai sira sira hadau ne povu vitima sira ate agora labele koalia nafatin..... ida ne mak ita koalTempu indonesia povu labele koalia, agora mos povu sira sira hadau ne labele koalia nafatin, neduni rai sira sira hadau ne povu vitima sira ate agora labele koalia nafatin..... ida ne mak ita koalia injusto... Tempu Indonesia Povu rai nain labele koalia tamba sira uja forsa okupantes sira hodi ameasa povu Maubere/Aileba ne’ebe nain ba rai ne’e”.

Hatutan Vitor Lay,” Rai nia nain ne iha ema lubun ida inklui hau nian tiun ida naran Jose Soares (ema la eskola, le lahatene), agora dau-daun nia hela iha Manleuana igreja nia sorin, tempu indonesian nian sira hamutuk ho militar indonesia baku hau nian tiun ne..., atu oho tan mas destinu mak seidauk to, dokumentus ema hadau no les tena. Tempu ukun an sira lori ba tribunal ona mas ita hatene deit se mak ita hasoru ne?? Laiha ema ida bele ajuda ema sira ne??? Ne mak ita atu buka justiça?".

Neduni koalia konaba Korupsaun, ema hanesan Mari Alkatiri iha autoridade moral ba koalia? Koalia konaba ukun lori povu Maubere/Aileba, bele duni iha autoridade moral no politika koalia loro sira nian naran?

Alex Freitas: Tempo To´o Ona halo Reflesaun

Tempo to´o ona para halo reflesaun ba sira ne´ebe nia istoria hakerek ho ran no ruin. Ho nune´e, ema seluk labele aproveita deit iha rai doben ida ne´e.

Alex Freitas Dai Tula (oan mane husi saudozo David Alex Dai Tula) hatete lia hira ne´e desmente deklarasaun ne´ebe durante ne´e Sekretariu Jeral Fretilin Mari Alkatiri hatete iha ninia diskursu durante hala´o konsolidasaun iha distritu Dili.

Tuir Alex Freitas, iha ninia diskursu Alkatiri sempre uza hikas Kay Rala Xanana Gusmão nia naran hodi hala´o kampaña politika. “Hau rasik nu´udar militante Fretilin, la satisfas ho influenzia no hahalok ne´ebe mai destroi ita nia unidade iha ita nia rai laran”, Alex hateten.

Iha ninia diskursu, tenik Alex, Mari Alkatiri sempre hateten katak, Fretilin manan sei hasai Xanana husi tahu laran ho diabu nia leet. “Alkatiri, loloos labele uza lider politika ida nia naran hodi hala´o kampaña politika. Realidade ida ne´e hatudu katak, Alkatiri laiha vizaun di´ak iha povu nia oin. Ida ne´e politika la iha moralmente no politika la iha fundamentu ba ninia an rasik. Alkatiri hanesan la garantia ninia an razik no uza ninia politikas rasik atu influensia povu ida ne´e”, nia esplika.

“Hau kaer metin ba Maun boot Xanana tanba tinan 2012 oin mai ita hamutuk maun bot ho funu nain sira hodi realiza mehi Ukun Rasik An husi Fretilin, ho prinsipiu luta hamutuk ho ninia funu maluk sira to´o sira ka´er ukun”, dehan Alex ho fiar an.

Nia hatutan, eleisaun ida ne´e atu hasa´i Fretilin husi diabu ne´ebe nakonu iha Fretilin nia laran tanba loloos ne´e maun Xanana mak bele koalia lia fuan ne´e.

Tanba ema balun aproveita naran Fretilin hodi hateten so nia mak bele hasa´i Xanana husi diabu nia le´et ou iha tasi laran ida ne´e mak politika la dun fundamentu ou la justu ba povu ida ne´e.

Nudar militantes Fretilin lideransa hanesan ne´e ninia política labele dehan husi ida, karik sei matak seidauk tasak sebele buka tasak didiak ba povu ida ne´e.

Hanesan aisasik, han karik sente tasak diak labele konsidera hanesan han matak, politika ida ne´e la iha fundamentu ne´ebe di´ak no politika hanorin militante atu sai futuru ne´ebe di´ak no politika hanorin militantes atu sai futuru ne´ebe di´ak.

Laos dalan ida gosta politika ema seluk nia naran manipula ema seluk nia istoria no aproveita atu atinji objektivu, ne´e la´os ema politika tanba rai doben ida ne´e povu lakohi lideransa politika ida atu influensia fila-fali povu atu dezamina la justu no desamina povu nia istoria atu sobu povu nia undade iha ida ne´e.

Ita tenke konese ema seluk nia luta ne´ebe sakrifisia ninia vida tomak oinsa tau Fretilin iha fatin, nune´e ema inosente ne´ebe la liu husi sofrimentu. Ema hirak ne´e mos hateten nia luta na´in ou funu na´in aproveita fila-fali istoria Fretilin ne´ebe ema seluk hodi ran no ruin sosa.

Hodi raan no ruin ho tempu ne´ebe naruk luta ba ukun ana ida ne´e ho fiar, atu hasa´i Fretilin husi diabu nia le´et so Xanana mak hamutuk ho povu no rai ida ne´e hamutuk ho funu maluk Maubere-Buibere ne´ebe mehi hakarak Ukun Rasik Ana, tuir Fretilin nia prinsipiu so Xanana mak hasai Fretilin husi diabu nia le´et la iha tan ema seluk iha rai doben ida ne´e. (*)

Sumber: Tempo Semanal, Sesta, 20.05.2011, paj. 12)!

75% husi sira ne'ebe rejistu iha partidus sira hetan kartaun 3

Dili, AIleba Lian (AL). 75% militantes sira ne'ebe rejistu ona iha partidus politikus, hetan kartaun liu 2 ka 3. Neduni Partidus sira lalika hananu uluk konaba resjistus ne'ebe sira hetan, tamba ho iha kartaun 2 ka 3, seidauk bele iha certeza katak sei votas ba partidus sira nebe maka fo kartaun ba militante sira.

Fakta maka ne'e, iha militantes sira simu kartaun liu 2 ka 3, neduni, iha ne'e se maka matenek no se maka bibi malae? Povo mak soberano hodi hili ba partidu nebe maka ukun diak, partido nebe maka programa diak liu. La'os ho kartaun hodi marka povo hodi fahe sira.

Ita nia Partidus sira foin ho tinan 30 ho resin, tinan sanulu ho resin, ita nia lisan no ita nia ligasaun hodi rai moris mai kedan!

Hadau malu ba lideransa vidrus CCF rahun

Dili, Aileba Lian (AL). Hadau malu ba lideransa Partidu, vidrus BP7 rahun, tamba apoiantes sira tuda malu iha dalan tama to´o sede partidu historiku. Vidrus rahun iha tersa-feira (10/05/2011), husi parte Partidu husu tulun ba autoridade PNTL ba kaer autores ba estragus sira ne´e.

Tuir lia anin ne´ebe maka hetan, influencia ba baku malu ne´e tamba razauns oi-oin, hanesan tuir mai ne´e:

Ba dala uluk; militantes jovens sira, simu ordem ba baku malu iha dalan, tuda fatuk ba malu, provoka perturbasoens ba ordem publiku. Asaun ne´e hetan kedan kondenasaun husi lider Partidu hanesan Mari Alkatiri.

Ba dala ruak, luta hadau malu ba lideransa partidu, Estatuto Partido Fretilin tuir lolos lideransa ba estrutura Partidu Fretilin, limite ba mandatu rua ka tinan sanulu (2001-2011). Maibe regras foun ne´ebe mosu, bele liu tan mandatu 2 no limite ba militante sira ne´ebe maka hakarak kandidatu ba lideransa Prezidente no Sekretariu Jeral.

Ba dala tolu, manifestasaun hasoru grupos kiik oan ida ne´ebe hakarak monopoliu poder iha partidu, no taka dalan ba ema seluk.

Impaktu husi vidrus rahung ne´e, koalia konaba asuntu ligadu ho kandidatura Mari Alkatiri ba Sekretariu Jeral, oras ne´e muda ona fatin surumutuk, hanesan foin dadaun ne´e iha semana kotuk nukleus duru Pro-Mari Alkatiri halo surumutuk iha Café Brazil. Hola parte iha surumutuk ne´e maka: Mari Alkatiri, Estanislau da Silva, Arsenio Bano, Filomeno Aleixo no Harold. Sira nia ajenda oinsa maka manan eleisaun 2012, manan maioria Mari Alkatiri ninia kandidatura ba eleisaun direta partidu!

Tuda Vidrus rahun tamba Partidu Fretilin/Revolucionario la kontrola ninia Militantes sira

Dili, Aileba Lian (AL). Iha semana laran, hahu husi Domingo, Segunda no Terca, jovens sira tuda malu, iha zona Aimutin, Timor Plaza no sor-sorin. Tuir informasaun katak iha militante partidu balun maka provoka no militantes partidus sira ne'e maka tuda malu rasik. Iha Terca-feira (10/05/2011) tuda no baku malu tamba to'o knua CCF iha Aimutin (Ex-BP7), Dili.

Husi incidente ne'e provoka estragus vidrus balun rahun. Husi sasin sira ne'ebe iha CCF tempo ne'eba katak: "jovens sira, mesak militante Partidu maka baku malu, to'o sorin labele, provoka danus materiasi, obriga responsavel partidu iha knua CCF husu ajuda ba Policia hodi ba prende ka kaer ba sulang iha Policia nia fatin".

Maibe ikus mai, husi CCF rasik maka dere ba Policia atu hasai autores ba estragos materiais no baku malu nian, fila ba CCF atu resolve internamente no fo sansaun interna deit.

Afinal responsabilidade partidu politika ba dever civico no formasau ba responsabilidade cidadainia ne'e iha ne'ebe? la respeitu ordem publika, estragas sasan, provoka populasuan paniku, ne'e responsavele ba se nian, lideransa partidus, tamba proekupa maka espansaun liu husi fahe kartaun maibe la eduka sira nia militante, maibe sira kontribui ho diskursu radikalismu.

Lamentavel mos, la respeitu autoridade kompetente, kasu Policia, husu tulung ba kaer autores sira nebe krimi, hafoin fo fali protesaun ba autores sira ne'e rasik, hodi dehan resolve internamente iha partidu.... Populasaun matan moris no neon nain,.... Vigilancia Maximo no Tolerancia zero ba violencia husi grupos iresponsabilidade sira ne'e...!

Grupu interese ne'ebe hakarak manipula justisa derrotadu iha TDD

Dili, Aileba Lian (AL). Tribunal Distrital Dili (TDD), segunda-feira (09/05/2011) hola decisaun konaba kasu VPM Jose Luis Guterres (JLG) ne'ebe absolve (bebas murni) husi akusasaun sira ne'ebe maka Ministeriu Publiku (MP) processa kontra arguidu JLG.

Sabor ba vitoria no derrota ba kasu VPM JLG nian maka, vitoria ba funcionamentu Sistema Justisa ne'ebe iha Timor-Leste nian. Derrota ba grupos de intereses ne'ebe maka hakarak uja Justisa hodi atinji ba sira nia intereses, politika-poder, ekonomika no manipulasaun justisa. Grupos ida ne'e maka sai derrotado iha kasu JLG nian.

Se maka pertence grupos ida ne'e? Facil atu detekta, sira be dun matak JLG nauk osan, sira be halo diskursu hodi justisa nia naran, sira be hakilar konaba justisa maibe afinal sira hotu maka sai derrotado...

Viva la justisa, Viva la demorkasia!

Tendencia votus 2012 …. ho FRETLIN Mudanca, Fretilin-Revolucionario sei hatun votus no kadeiras?

Iha fakta maka ne’e Partidu sira oras ne’e tun ba dada ba mai militante husi Partidu A ba B. Balun ba dehan iha ema rihun rua tuir nia husi Partidu A ba afilia fali ba Partidu B. Semana oin fali, militante partidu C ba dehan nia ho ema rihun tolu ba afilia ba partidu B. Liu tiha fali militante ida husi partidu D dehan nia lori militante rihun lima ba afilia ba partidu A.

Afinal votus reais ba ema ida-idak lori ka influencia maka nia lori nia an, nia oan, nia kaben, ida ne’e maka representa ema rihun ba rihun.

Ida fali tan maka ne’e, dala barak sira ba deklara katak ema rihun rua maka nia lorin, afinal iha sukus nee rasik populasaun nem to’o rihun rua, sa tan eleitores… afinal agora ne’e partidu sira show forces deit. Eleisaun ka hasil maka la koresponde espetativa, lalika sunu rai eh, lalika sunu uma hanesan 2007, uma alfandega subar dokumentus barak tender nian maka lori todan… haha ha. Viva Demokrasia!

Maibe le didiak fali Ananias Reis Maklear, ex-oficiais CNE, ninia hakerek ne’ebe baseia ba dadus no analisa nebe maka racional no obyektif, kontraria fali probaganda partidu politikus sira nian….
http://aplimentec-ong.blogspot.com/2011/02/tendencia-votus-iha-2012-konsekuencia.html

Autor Bomba iha Cirebom,ligasaun ho Jemaah Tablig

Dili, Aileba Lian (AL). Autor bombista suicida iha, Mesjid Polres, Cirebon, Jawa Barat, iha loron sexta (15/04/2011), M. Syarif. Tuir teste DNA husi POLRI fó rezultadu autor ba bomba suicida ne´e maka M. Syarif. Ne´ebe tuir katak "autor ba bomba ne´e konfirma duni ho teste DNA M. Syarif nian, haktuir Kadiv Humas Irjen Pol. Anton Bachrul Alam , wainhira halao jumpa pers iha loron 18 fulan Abril tinan 2011, iha Mabes Polri.

Tuir rilis husi Kadiv Humas POLRI, M. Syarif mos, tama Pesantren no mos tama ba tuir aliran Jemaah Tablig. Jemaah Tablig ne´ebe iha loron 19 fulan Abril tinan, haruka ninia Ustad nain 9 mai Timor-Leste, tama husi Kupang, mai ho Travel Lifau, hatun iha kampo Alor, Dili. Tuir informasaun ne´ebe hetan katak "iha loron hirak sira nain 7 ne´e fahe ba distritus, hanesan Lospalos, Viqueque, Baucau, Same no Liquisa". Ustad nain 7 husi Jemaah Tablig tama Timor-Leste hetan konvite husi Centro Muçulmano iha Timor-Leste. Informasaun ikus katak USTAD husi JT husi ona teritoriu nasional. Hein bainhira maka sira halao lolos aktividades. Grupo nain 7 hanesan mai surfei deit terenu!

Kandidatura Mari Alkatiri, koalia lia fuan mamar husi Bispo Nascimento no Prezidente Ramos Horta

Dili, Aileba Lian (AL). Kandidatura Mari Alkatiri ba ema numeru Um (TL1) iha 2012 kontinua alimenta lia fuan mamar husi nai ulun ka embot sira, liliu hafoin liu semana rua deklarasaun husi Amo Bispo Nascimento ba Jornal Nacional Diario, oras ne'e mosu mai ho deklarasaun husi Prezidente Republika Jose Ramos Horta katak "nia (Horta) apoio Alkatiri ba PR (JND, 03/05/2012)".

Argumentu ne'ebe maka Bispo Basilio Nascimento foti, ne'ebe sei haksesuk malu tamba Bispo Basilio dehan fali "Mari Alkatiri maka lideres konsensual". Ummmm, konsensual ne'e lia fuan diak, maibe liga ba personajen ne'e maka problema AMU... karik amu sira koalia ami sarani sira karik A...M...E...N deit ka?

Prezidente Ramos Horta mos mai ho lia fuan mamar, tamba saida maka dehan mamar tamba lia fuan mamuk deit, afinal nia mos hakarak hela fatin ne'e sa, finji hakarak apoio fali Alkatiri, soe bola ba mai deit sa. Ummmm, Prezidente Ramos Horta dehan iha semana kotuk, nia sei kandidatu maibe uluk nanain tenki konsulta Bispos (hierarquia Igreja Catolica) no Maun Xanana".

Se Horta koalia fali dehan apoio ba Alkatiri, lia fuan mamar deit maun, maun muda lia fuan ba mai mos ami Aileba no Maubere oan sira tuir hela deit sa, maun sira atu lori nanal bobar to'o ba ne'ebe los? Maun maka hakarak los ba Prezidente Republika, maun dere karik dala hira ona ba lideres sira seluk atu kandidatu. Dala ruma maun la hetan ona apoio husi parte Igreja Katolica ninia hierarquia no mos Maun Bot Xanana Gusmao.

Ramos Horta ninia halimar diplomacia ne'e, karik ema iha liur maka monu karik ba jogada politika profisional, maibe Aileba Lian sei lori Aileba sira hotu nia lian hodi akompana, vijilancia ba maun sira ninia manobra politika lia husi lia fuan mamar, muda nanal tun sae!

Kongresu CNRT,fo nafatin fiar ba Kay Rala Xanana Gusmao nudar Prezidente no Dionisio Babo nudar Sekjen

Dili, Aileba Lian (AL). Kongresu ba dala ruak, Partidu CNRT (Congresso Nacional da Reconstrucao Nacional), hahu loron 29 fulan Abril to'o loron 02 fulan Maio tinan 2011, fo nafatin fiar ba Lideransa partidu ba tinan lima mai ne'e ba lideransa Kay Rala Xanana Gusmao nudar Prezidente no Dionisio Babo Soares nudar Sekjen. Iha lista rua maka apresenta iha kongresu, lista A e B, diferensas maka naran ba vices ba Prezidente no Sekjen. Votasaun final Lista A hetan votus 293, lista B hetan votus 505 no nulus 18.

Kongressu ne'e marka ho buat barak, liliu apontamentus tuir mai ne'e:

GFM la tuir Kongresu

La presensa husi Grupo Fretilin Mudancas (FM), GFM ne'e mos iha papel importante iha eleisaun ba lejislativa iha 2007 no Prezidencial iha tinan 2007. Tamba FM hakarak hatudu ba CNRT no Partidu Fretilin/Revolucionario katak sira laos ona tabele,neduni transforma ona ba Partidu FRETLIN-Mudancas.

Ramos Horta ba haknauk apoios husi CNRT

Presensa Prezidente Repblika iha Kongressu CNRT ba dala ruak, interpretasaun oi-oin katak Prezidente Ramos Horta ba husu tulun husi kongresistas CNRT no benzaun husi Xanana ba "re-kandidatura ba segundu mandatu Prezidente Republika". Tamba Prezidente Ramos Horta, hein hela apoio husi CNRT no Benzaun husi Xanana hodi avansa ba segundo mandatu!

Kongresu CNRT, kandidatus barak ba SEKJEN

Dili, Aileba Lian (AL). Kongresu partidu CNRT (Congresso Nacional da Reconstrucao Timorense) sei halo kongresu hahu loron 29 fulan Abril ba to'o loron 01 fulan Maio tinan 2011. Iha kongresu ne'e sei ba haksesuk malu buat barak, hanesan: aprova Estatuto Partidu, aprova Programa Governasaun ba tinan 2012-2017 no mos eleisaun ba quadros sociais partidu nian.

Prezidente Partidu, Kay Rala Xanana Gusmao, nudar lider ne'ebe intokavel ba ninia fatin, sei lidera partidu ba mandatu ba dala ruak, 2011-2016. Maibe sei hadau malu rame maka kadeira Sekretariu Jeral (SEKJEN). Naran sira ne'ebe maka sei halo rame festa maka: Dionisio Babo, atual Sekretariu Jeral, Agio Pereira, atual Sektretariu Estadu Konseilu Ministru, Bendito Freitas, atual Sekretariu Estadu Formasaun i Emprego no Julio Tomas Pinto, atual Sekretariu Estadu ba Defesa. Sira nain hat (4) ne'e figura diak hotu, maibe kongresistas sira maka iha lijitimidade no poder soberanu ba fihir no hili SEKJEN ne'ebe maka bele akompana Prezidente Partidu CNRT ba periudu 2011-2017.

Importante tamba eleisaun 2012 ne'e importante ba CNRT no ba tau iha pratika mehi PM Kay Rala Xanana Gusmao, atu "Liberta Povu, husi kiak no mukit", liu husi tau iha pratika implementasaun PEDN (2011-2030).

Nudar Povu hein hodi hare!

Mari Alkatiri kandidatu ba PR 2012, halo rame festa demokrasia ka kandidatura ne'ebe seriu?

Dili, Aileba Lian (AL). Kandidatura Mari Alkatiri ba Presidente Republika 2012, hahu koalia namanas ona, hahu soe husi Bispo Diocese Baucau, D. Basilio do nascimento, foin dadaun ne'e ba media. Iha semana laran media hahu desenvolve fali opiniaun publika konaba potensial kandidatura Mari Alkatiri nian ne'e.

Maibe mosu mos, duvida husi publiku maka ne'e, kandidatura Mari Alkatiri ne'e seriu ka atu harame deit festa demokrasia iha eleisaun presidencial 2012?

Husi hanoin ne'ebe soe husi Bispo D. Basilio do Nascimento, hatudu katak hanoin ne'e serio, ate Bispo mos koalia ho argumentu fiar an katak Mari Alkatiri figura konsensus, figura fundador nasaun, lidere partidus historiku no figura estadistas ida. Maske hanoin sira Bispos Basilio nian ne'e sei bele diskuti maibe, importante maka mensajen ne'e pasa.

Balun fali fiar katak, figura Mari Alkatiri, sei la prence ba kriterius nebe maka amo Basilio apresenta, la simu argumentus amo Bispo nian. Karik ida ne'e maka amo aban bai rua hasai ho surat Pastoral ruma, karik sarani husi Diocese baucau sei ba vota hotu ba Mari Alkatiri.

Mari Alkatiri ninia figura no presensa iha eleisaun Presidencial iha 2012, importante ba nia atu hatudu se nia iha duni masa riil nebe reklama katak nia partidu maka manan no iha masa ba manan ka borong eleisaun hotu-hotu. Mari Alkatiri tenki hatudu husi ninia kandidatura rasik, se nia manan eleisaun presidencial, sei fo razaun ba ninia argumentu katak Fretilin husi lideransa Mari nian sei manan no dominan mapa politika Timor-Leste nian. Se lae, fila fali ba sira ne'ebe ceptikus hare ba manobra ne'ebe maka Amo Bispo Basilio hahu joga ne'e, hanesan Novela oan ida ne'ebe ninia personajen central maka Mari Alkatiri no ninia realizador ka penulis maka Basilio do Nascimento.

Insya Allah, sarani sira bele halao tuir sa ida maka nia Bibi atan dehan ne'e... Mari Alkatiri ninia kandidatura simplesmente ba halo rame festa demokrasia ka kandidatura ne'ebe serio?

Bankada FRETILIN fahe malu tamba Resolusaun hasoru Camarada Ana Pessoa

Dili, Aileba Lian (AL). Iha segunda-Feira (18/04/2011) Parlamentu Nasional (PN), vota ba Resolusaun nº. 63, ne´ebe apresenta husi AMP, atu husu Tribunal Rekursus ba investiga Prokuradora Jeral Republika, Dra. Ana Pessoa.

Hahu polemika ba haksesuk malu, tamba wainhira ható Resolusaun ne´e iha loron quarta-feira (06/04/2011) husi Bankada Fretilin walk out, neduni la iha quorum hodi halo votasaun (33). Adia ba segunda-feira (11/04/2011) la konsegue vota no adia fali ba terça-feira (12/04/2011) mos hanesan, falta ba quorum. Dada tan ba loron segunda-feira (18/04/2011), hafoin iha duni Quorum (38), Resolusaun nº. 63 aprovadu ho votus Favor (29), kontra (2) no Abstensaun (7).

Bankada FRETILIN fahe malu

Desta vez kasu Ana Pessoa fahe Camaradas sira, husi votasaun ne´e hetan votos favor husi deputadus Fretilin nain 4, maka Deputada Cipriana Pereira, Deputado Osorio Florindo, Deputada Josefa no Deputado Francisco Geronimo. Hatudu katak, kasu atuasaun Camarada Ana Pessoa ba camarada José Luis Guterres provoka fahe malu iha bankada Partidu Fretilin.

Karik signal ba portestu ba politika nebe maka diresaun partidu Fretilin hola durante ne´e? Ka signal ona ba atu tama ba luta poder iha partidu laran, nebe sai hanesan mensajen klaru ba laran, liliu ba lideransa katak Mari Alkatiri mos oras ne´e iha movimentus ba kontraria ninia politika no ninia lideransa.

Militante partidu Fretilin soberanu atu determina futuru ba Partidu Fretilin no ninia kontribuisaun ba desenvolvimentu nasional!

Grupu Fretilin Mudança (GFM) sei nakfilak ba Partidu iha loron 25 Abril de 2011

Dili, Aileba Lian (AL). Grupu Fretilin Mudança (GFM) sei nakfilak ba partidu politika iha loron 25 fulan Abril tinan 2011.

GFM mosu hodi foti liman no hakilar hasoru lideransa partidu Fretilin ne´ebe lidera husi Lu´olo/Mari Alkatiri. Liliu grupo Maputo ne´ebe tabele lori Fretilin nia naran maksoi sira ninia knar no hasae sira nia kbiit politika, ekonomika no judicial.

GFM mai atu kebra tiha grupo Maputo ninia poder iha partidu Fretilin nia laran, koko sukat sira nia força iha kongresu partidu Fretilin, fulan maio tinan 2006. Sira la konsegue hatama sira nia ajenda iha kongresu, tamba metodu eleisaun foti liman, neduni taka dalan ba sira. Ikus mai iha eleisaun 2007, GFM hamutuk ho CNRT/Xanana, hodi hola parte ba kombate eleisaun lejislativa, hola parte iha Governasaun AMP nian ne´ebe lidera direta husi PM Kay Rala Xanana Gusmao.

To´o ona tempo, GFM rejista nudar força politika ida hodi hola parte ba festa demokrasia iha tinan 2012.

Parabens GFM ne´ebe nakfilak ba Partidu Frente R(econstrução) Nacional Timor-Leste Independente (FRETILIN)/GFM!

Se maka kandidatu an ba lideransa partidus tenki kumpri kriterius

Dili, Aileba Lian (AL). Se maka kandidatu ba lideransa qualquer partidus tenki kumpri kriterius ne'ebe maka estatuto kada partidu politiku hakerek ona. Oras ne'e dadaun bursa ba kandidaturas ba lideransa partidus politikus hahu ona koalia dadaun, hanesan FRETILIN, CNRT, PD no sst. Lideransa iha eleisaun sira ne'e ninia impaktu bot ba eleisaun 2012, iha ka lae? Husi partidu historiku hanesan FRETILIN, oras ne'e dadaun prepara sira nia metodu ba eleisaun direkta (secara langsung) husi militante sira. Ninia mekanismu ne'e tuir regras ka lae, laos ida ne'e maka analisa badak ida ne'e. Iha hakerek hare liu ba potencial kandidatus ba partidu Fretilin.

Tuir informasaun ne'ebe maka AL hetan katak"duplo Lu'olo/Mari Alkatiri, sei rekandidatura ba terceiru mandatu (2011-2016), primeiru mandatu (2001-2006) i eleisaun segundu mandatu (2006-2011)". Tuir Estatuto Partidu Fretilin rasik, hakerek katak limite ba mandatu lideransa partidu Fretilin,mandatu rua deit. Signifika katak" Lu'olo/Mari Alkatiri, mandatu hotu ona iha 2011". Maibe duplo Lu'olo/Mari Alkatiri sei re-kandidata nafatin ba terceiru mandatu, karik kontra Lei interna Partidu maibe tamba interese partidu maka kandidatu nafatin sira nain 2 ne'e. Naran sira ne'ebe maka mosu atu halo rame ba alternativa maka dupla: David Ximenes/Luis Lobato. Maibe iha duplo Dias/Lobato, iha ona kriteriu ida ke taka dalan ba kandidatu David Dias Ximenes, tamba deit la prence ba kriteriu tinan sanulu (10) nudar militante aktivu ba Partidu Fretilin. David Dias Ximenes, hare historia, nia nunka filia iha partidu FRETILIN, tamba deit uluk nia nudar exercitus Portugues ne'ebe besik liu maka UDT iha tempu ne'eba.

David Dias Ximenes tama Fretilin iha kongresu 2006, wainhira sai ona nuda membru Governu iha Governasaun Fretilin nian. Kandidatu seluk mos maka naran Rogerio Lobato, maske koalia barak nudar potencia kandidatu maibe, ikus-ikus Rogerio Lobato hakbesik liu ba Mari Alkatiri, hanesan mosu dala barak konsolidasaun hamutuk ho Mari Alkatiri. Problema ba Rogerio Lobato maka ne'e,iha duni korajen ba avansa ka lae kontra Mari Alkatiri? Se avansa se maka atu duplo ho nia? Mosu naran seluk hanesan iha reserva no seguru ba futuru maka lista naran lideransa foun ba 2017 hanesan: Rui Araujo (militante foun), Aniceto Guterres e Arsenio Bano (Fretilin 2006), Jose Reis no Jose manuel (militante liu ona tinan sanulu) no sel-seluk tan.

Husi partidu CNRT, iha kongresu sei halo iha fulan Abril, 29, 30 e 31, sei determina naran ne'ebe maka akompana Prezidente maka Kay Rala Xanana Gusmao. Mosu mos naran barak maka kandidatu ba Sekretariu Jeral partidu CNRT, atual Sekretariu Jeral, Dr. Dionisio Babo Soares, Bendito Freitas, Sekretariu Estado ba Formasaun Profisional e Emprego (SEFOPE), Agio Pereira, Sekretariu Estadu Konseilu Ministru (SEKM), no naran sira seluk. Iha kongresu CNRT, militante sira sei ba hili maka Sekretariu Jeral nebe maka bele duplo ho Prezidente CNRT. Naran tolu ne'e mesak potensial, ida ne'ebe maka bele iha vantajen liu, aposta ba profisionalismu ba Sekjen CNRT ka akademiku,aposta ba sekjen ne'ebe bele mobiliza no organiza partidu ne'ebe forte kandidatu ba manan eleisaun iha 2012 no kontinua lori Governasaun 2012-2017,hodi garante ba procesu desenvolvimentu nebe ninia mata dalan maka PEDN (2011-2030).

Iha Partidu Demokratiku (PD), mos mosu hipotese barak konaba lideransa, barak maka koalia konaba naran ba lideransa PD maka: Lasama/Sabino, Lasama/Joao Boavida, Lasama/Constancio Pinto, Adriano Nascimento/Burlaku, Atoi Conceicao/Joao Boavida, Lucas Costa/Joao Boavida,no sst. Iha PD nian, posibilidade sei rame maka kargu ba Sekretariu Jeral, tamba kargu Prezidente Lasama posibilidade forte mos hanesan Xanana iha CNRT. Kargu ba Sekretariu Jeral mosu naran barak,hotu-hotu iha potensial ba kandidatu ba akompana Lasama ba segundu periudu lideransa PD 2011-2016. Asanami Sabino forte kandidatu ba Sekjen, nudar MAP, prepara hela dalan ba ne'eba. Joao Boavida, naran ne'ebe iha potensial mos nudar pasangan diak ba Lasama/J. Boavida (2011-2016), mos bele mosu naran seluk, militante soberanu fihir, kongresu orgaun maximu ba kada Paridu Politiku!

Korupsaun ne´ebe hetan protesaun husi Lei Pensaun Vitalicia (LPV)

Oras ne´e dadaun koalia konaba Korupsaun iha sociedade Timor nian, tamba nauk osan povu nian hodi ka halo riku an la tuir dalan ne´ebe los. Maibe iha nauksaun balun ne´ebe maka subar an iha Lei nia kaliling okus.

Konkretu liu maka ukun nain sira ne´ebe maka halo ka elabora Lei Pensaun Vitalicia (LPV), tuir Lei nº. 7/2007, 25 Juliu, no regula husi Decreto Governu, nº. 2/2007, 27 Juliu.

Ho lei no decreto Governu ida ne´e, loke dalan ba pratika korupsaun. Kria injustita iha sociedade laran, tinan-tinan Estadu tenki gasta osan ba grupo parasit ne´ebe LPV maka fó hela mahon. Ejemplo konkretu maka Estadu tenki gastas osan povu maubere nian ba selu uma no necesidades ex – PM Mari Alkatiri. Governu tenki selu ba rehabilitasaun ba uma ex–PM ne´ebe oras ne´e dadaun ho total montante US $400,000.00. Estado tenki selu ba uma ne´ebe maka aluga ba Mari Alkatiri iha Surik Mas Wasindo, ho total fulan ida hetan US$ 4,000.00 no seidauk konta ho facilidades seluk.

Ne´e korupsaun ne´ebe maka halao ho mahon iha LPV, sira rasik maka halo hodi hanoin ba sira nia an maibe nunka hanoin ba povu Maubere Aileba sira.

Dala barak mos koalia katak lori Povu Maubere Aileba, maibe sira rasik explora hela povu Maubere Aileba sira.

Neduni Povu Maubere AIleba, liu husi Aileba Lian, husi atu lalika vota sira ne'ebe ukun hanoin ba sira nia an, maibe laos ukun ba povu Maubere Aileba kbiit laek!

Mari Alkatiri muda husi Marxismu ba Islamismu?

Hanoin husi AILEBA LIAN

Tuir Pe. Martinho Gusmao, iha ninia hakerek hatun Timor Post, edisi Quarta (30/03/2011), hakerek nune'e: "kunjungan-kunjungan Dr. Mari Alkatiri ke partai-partai politik di Indonesia (seperti PKS atau ormas Islam lainnya), disponsori oleh mantan pentolan gerakan pemuda pancasila yang berjiwa “besi (paling) merah” pro-integrasi namun yang membelot menjadi berkedok “paling nasionalis” pro-merdeka (sampai saya ketakutan sendiri) dan FRETILIN biasa-biasa saja (bahkan Jose Reis dengan senang hati mengumumkan bahwa PKS akan menghadiri pemilihan langsung dewan pengurus pusat/DPP FRETILIN, yang tentu saja diantar oleh mantan pemuda pancasila/ besi paling merah yang membawa Alkatiri ke Jakarta)! (TP, 30/03/2011, paj. 9)".

Mari Alkatiri, husi ninia diskursu mai to'o pratika hatudu katak ema ne'ebe komunga ba Marxismu nudar ninia ideolojia no pratika pramatika iha orientasaun estratejia politika.

Tuir K. Marx iha ninia hakerek konaba relasaun katak: "relijaun ka agama nudar sandu ka opoio ba povu". Neduni hare husi doutrina ideolojika Mari Alkatiri nudar ema ne'ebe adopta Marxismu nudar ninia doutrina iha politika, labele hamutuk ho ema ne'ebe maka komunga ka tuir doutrina ne'ebe maka hanesan baze ba releijiaun ka agama, kasu konkretu PKS ne'ebe adopta doutrina Islam nudar ninia ideolijia formal.

Tuir Sekretariu Jeral PKS, Mahfudz Siddiq, ba Kompas.com katak "Apakah PKS meninggalkan jati diri Islamnya? Tentu tidak. Asas kami tetap Islam, namun terbuka," tuturnya (Kompas.com,19/08/2010)". Maibe ita hotu mos akompana husi media katak, FPI (Front Pembela Islam) ne'ebe lansa teror kontra relijiaun ka agama seluk iha Indonesia, foin dadaun iha fulan Fevereiru tinan 2011 iha Jawa kontra sekta islam Ahamadiyah, kontra kolejiu Kristaun, protogonista husi FPI. Prezidente RI, SBY hola medidas no deklarasaun forte kontra ormas sira ne'ebe maka hakarak lansa teror no provoka instabilidade (Hare Metro TV, 09/02/2011). Maibe laos novidades ba ema ruma katak FPI nudar ormas ne'ebe maka iha ligasaun ho PKS, barak liu ninia kader maka integra iha PKS. Secara tidak langsung PKS lejitima ba violensia sira ne'ebe maka FPI halao?

Mosu lian litik: Mudansa Mari ALkatiri ninia aproximasaun, dala ruma hare liu husi pontu de vista estratejika politika? ka mudansa ideolojika? Oinsa maka bele kaben buat rua la hanesan, Marxismu ho Islamismu? Karik Mari Alkatiri hetan inspirasaun husi Soekarno ne'ebe hamosu konceitu: Marheinismu no probaganda NASAKON. Karik ida ne'e, maibe Soekarno mos ladura iha ninia lideransa iha tempo ne'eba. Mari Alkatiri atu tenta intruduz iha Timor-Leste buat nebe maka Soekarno la konsegue iha Indonesia?

Dala ruma aproxiamsuan pragmatiku politika maibe laos ideolojika, tamba Marxismu ho Islamismu buat rua lao keta-ketak!

Manipulador Dokumentus UNTAS buka mediasaun

Dili. Aileba Lian (AL). Manipuladores ba dokumentus UNTAS nian, buka dalan ba rezolve problema liu husi mediasaun.

Tuir informasaun ne´ebe maka AL hetan katak "Reitor UNTL, Dr. Aurelio Guterres, esforsu hela oinsa maka bele halo hasoru malu entre estudantes sira ne´ebe maka hanran an Konseilu Senadu Estudante (KSE)-UNTL ho sira ne´ebe maka naran tama iha listas UNTAS". "Mos husi Parte Sra. Ana Pessoa Pinto, nudar Prokurador Jeral Republika (PJR) mos esforsu hodi evita queiza ka kesar husi parte vitimas sira ba Ministeriu Publiku".

Interesante hodi hare no hanoin, tamba saida maka hanoin mediasaun mai husi personalidades rua ne´ebe kaer instituisaun rua. Ida nura reitor tamba ninia estudantes sira ninia asaun, lori instituisaun ne´ebe maka nia rasik maka lider, nudar reitor. Esforsu ne´e, oinsa maka atu salva naran ka operasi kosmetik deit, tamba asaun husi Estudantes lori UNTL nia naran ne´e hatun liu «kredibilidade instituisaun akademiku ida nian» tamba halo asaun kritiku maibe bazeia deit ba dokumentus falsifikadus deit.

Mundo akademiku fatin kritiku no analitiku, maibe mundo akademiku la admite asaun no kritika nebe bazeia ba dokumentus falsifikadus. Nudar Ministeriu Publiku, buka oinsa maka evita kesar ba MP, ne´e ultrapassa ninia knar nudar MP, tamba iha tentativa hodi desvia deit kasus neébe krimi tamba: denuncia kalunioza, falsifiaksuan dokumentus, difamasaun no objektivu kontribui ba instabilidade.

Kasu UNTAS, hare lolos, manipulasaun hahu dadaun husi UNTL no Mos PJR liu husi ninia PJR rasik, Dra. Ana Pessoa Pinto!

Mari Alkatiri: Osan povu nian luku husi Tasi mane no mout iha Tasi Feto

Dili. Aileba Lian (AL). Mari Alkatiri, Sekretariu Jeral Partidu Fretilin/Revolucionariu, dehan nune'e iha tinan kotuk katak " Osan povu nian luku iha tasi mane no mout iha tasi feto (FB, Mari Alkatiri)". Explikasaun husi Mari Alkatiri katak "osan povu nian ne'ebe maka hasae husi Mina rai, mout iha tasi feto tamba halo bokur ema ida rua deit.

Mari Alkatiri ninia lia fuan sira ne'e ninia destinu ba sira ne'ebe maka oras ne'e hetan beneficiu husi AMP nia ukun, inkluindu Camaradas emprasarius sira, familia Alkatiri no mos proprio Mari Alkatiri rasik.

Mari Alkatiri hakerek no elabora Lei Pensaun Vitalicio ne'ebe maka nia interpreta hodi fo beneficiu ba nia an, oras ne'e dadaun Governu AMP halo hela obras ba residencia Mari Alkatiri nian ho montante por volta ba US $400,000.00. Governu selu uma ne'ebe Mari Alkatiri aluga iha Surik Mass Washindu, Embaixada Filipina nia oin, ho total fulan ida Governu selu US$4,000.00. Uma ne'ebe Mari Alkatiri aluga karu liu fali aluga uma iha Manhattan New York!

Tamba saida maka Mari Alkatiri hakbesik ba PKS?

Dili, Aileba Lian (AL). Mari Alkatiri nudar Sekretariu Jeral partidu Fretilin/Revolucionariu hakbesik an ba PKS, partidu ne'ebe maka orientasaun ne'e islam no basis ne'e iha massa Islam.
Razaun barak konaba ligasaun Mari Alkatiri ho partidu PKS, hanesan foin dadaun ne'e, Mari Alkatiri husu atu PKS bele mai tuir kongresu Partidu Fretilin iha fulan Setembru tinan ne'e, tuir noticias nebe maka fo sai husi Jornal Kompas.com, katak: "Selain ingin menjalin komunikasi dengan PKS, mantan Perdana Menteri Timor Leste itu juga menyampaikan undangan kepada PKS untuk menghadiri Kongres Partai Fretilin yang akan berlangsung pada September 2011 di Timor Leste(Kompas.com, 02/03/2011)".

Intensaun Mari Alkatiri hakarak harii komunikasaun politika ho partidu sira hotu,laos deit bazis Islam maibe partidu sira bazis nasionalis. Maibe relasaun Mari Alkatiri ho PKS laos foin dala ida ne'e maka ba vizita maibe iha tinan 2007 wainhira iha oposisaun mos Mari ba vizita ona PKS, hakerek Kompas.com, "Kunjungan Alkatiri ke PKS ini merupakan kunjungan yang kedua. Sebelumnya, tahun 2007, Mari juga pernah mengunjungi ke DPP PKS (idem)".

Publiku mos husu no litik? tamba saida maka Mari Alkatiri ba harii relasaun diak ho PKS?Partidu bazis Islam no ninia ligasaun besik ho FPI ne'ebe oras ne'e dadaun sai nudar problema ba NKRI rasik?

Tamba intereses grupus hatama sira nia naran iha Listas UNTAS

Dili, Aileba Lian (AL). Publiku hahu fulan janeiru mai to'o fulan Marsu laran tinan 2011, mosu espekulasaun no propaganda konaba movimentasaun ba UNTAS iha Timor-Leste, penetra iha instituisuan hotu-hotu. Propaganda hahu manas tan tamba konferensia imprensa no petisaun husi Conselho Senado Estudantil-UNTL nian iha loron 15 fulan Marsu tinan 2011.

AL mos buka tuir tamba saida maka hamosu naran sira iha listas ligadu ba UNTAS. Sempre iha motivus politiku, pesoal no sosial ruma. Sira balun naran hatama duni tamba sira nia pasadu historika, balun tamba fatin no mos balun naran tama tamba sucesu ba kareira profisional ka politika.

Motivu ekonomika:

Gil da Costa Alves, alem de nia okupa posisaun nudar Ministru (MTCI), maibe iha mos motivu ekonomiku atu halo ema balun ka grupus balun frustradu ba ninia posisaun ne'ebe maka nia iha. Exemplo: MTCI fo han barak empresariu FRETILIN-Revolucionariu sira, hanesan fos kompanias Fretilin/F maka manan, lori empresariu barak husi liur mai rejista iha Timor-Leste maske la iha kapital sosial/financeiras mos simu deit tamba lori Fretilin/Revolucionariu nia naran, negocius kiik oan sira ne'ebe maka sempre envolve ema Fretilin/Revolucionariu. Maske MTCI fo han bosu Camaradas sira barak maibe la satisfas tamba fo deit balun, balun lae. Diak liu joga hatama nia naran hodi joga foer.

Motivu kareira no fatin:

Hatama Santina Viegas Cardoso, husi Diretora Jeral Ministeriu Finansas nian, tamba ho reformas ne'ebe maka IV Governu implementa, no sistema centralizadu iha Ministeriu Finansas ne'ebe prejudika ba intereses sira ne'ebe maka hakarak acesu ba osan, ba dokumentus no ba buat decisaun importante barak. No kareira Santina Viegas Cardoso nian mos komesa sae tamba ninia profisionalismu, diak liu hatama iha listas hodi joga tiha estraga nia naran diak.

Hatama naran Januario Marcal, Diretur ba Fundus Komunitaria iha Ministeriu Agrikultura no Peskas, fundus ne'ebe maka importante ba desenvolvimentu rural no baze aileba/maubere sira. Maibe barak maka la iha acesu ba iha fundus ne'ebe importante. Mos konotasaun Januario marcal ninia ligasaun ba PD no militante RENETIL, diak liu hatama nia naran hodi estraga tiha.

Hatama Julio Tomas Pinto (JTP) no Francisco Guterres (FG) tamba sira nain rua okupa fatin hanesan Sekretariu Estadu ba Defesa no Seguransa. Fatin ne'ebe maka bele hamate ema balun ka grupu balun ninia ambisaun. Se sira nain rua nafatin, no sucesu ba sevrisu ne'ebe maka sira envolve, sei taka dalan ba kareira no ambisaun ema balun nian.

Iha lista ida fulan kotuk, hatama Estanislau da Silva, karik refere ba ex-Ministru Agrikultura no Peskas iha I Governu Konstitusional no PM iha III Governu Konstitusional. Se los duni, iha duni motivu ba ida ne'e, Estanislau da Silva, kandidatu forte ba suecesaun lideransa iha Partidu FRETILIN/Revolucionariu post-Mari ALkatiri. Karik posisaun ida ne'e mos, sai hanesan hadau malu ba camaradas sira barak iha Partidu laran. Diak liu hatama naran hodi pertence ba UNTAS hotu.

Motivu tamba konotasaun politika:

Salavador Soares, Abilio Lima, Carmelita Monis, Gertrudes Monis, Vital dos Santos, sel-seluk tan, tamba hatama oinsa maka halo rame no equilibriu ba jogadas propaganda deit tamba sira nia pasadu recente historia. Diak liu joga sira hancur no hatama hotu iha listas membrus UNTAS.

Motivu la simu integra ba grupu sosial balun:

Hatama Dr. Helder da Costa, oras ne'e servisu iha Ministeriu Finansas, lidere foruns Internasionais ne'ebe maka Timor-Leste hola parte, liliu iha meeting ho donores sira, Helder Costa sempre co-cher ba encontros internasionais no ninia kareira hahu sae makas. Mos tamba Helder Costa rejeita tama iha grupus intelektuais husi grupus balun ne'ebe maka ligadu ba partidu balun ne'ebe konotadu ho fahe dokumentus falsus no foti isu UNTAS iha Timor-Leste. Sala Helder Costa nian, la simu rekrutamentu ne'ebe ex-membru governu balun halo dadaun ba grupus intelektuais sira, diak liu hamate ho hatama naran iha listas UNTAS.

Iha qualquer asaun, sempre iha ninia motivasauns: Motivu ekonomika, Motivu tamba konotasaun politika, Motivu kareira no fatin no Motivu la simu integra ba grupu sosial balun!

Kasu Ana Pessoa Pinto ninia erros interpretasaun halo Alkatiri ho Natalino dun malu

Dili. Aileba Lian (AL). Kasu Ana Pessoa Pinto ninia interpretasaun ba Konstituisaun RDTL no Leis oan sira la los ka erros barak. Mosu duvida iha opiniaun. Provoka mos Sekretariu Jeral Partidu Fretilin ho Deputado Natalino dos Santos, husi CNRT, dun malu.

Mari Alkatiri iha ninia deklarasaun ba Fretilin Media, "Akusa PM Xanana maka atu minimiza imajen Ministeriu Publiku nian (Fretilin Media, 15/03/2011)".

Hatan ba Ida ne'e, Natalino dos Santos, CNRT, haktuir katak, "Alkatiri tenta desvia publiku nia atensaun ba PJR Ana Pessoa ninia erros interpretasaun ba Konstituisaun no Leis (AMP Media, 15/03/2011)".

Importante maka Mari Alkatiri no Natalino dos Santos, ida-idak hare sasan tuir perspektiva la hanesan. Mari Alkatiri fiar ba ninia camarada Ana Pessoa nudar PJR nebe halao knar lolos tuir Konstituisaun, Kodiku Procesu Penal (KPP) no Estatuto Ministeriu Publiku (EMP) rasik.

Ba Natalino dos Santos, Ana Pessoa nudar PJR la halao ninia knar lolos no interpreta sala Konstituisaun no Leis. Natalino dos Santos, mos dala barak litik ka kestiona ba servisu Ana Pessoa nian konaba kahur politika nebe nia nudar ema politiku no justsia ne'ebe maka ninia knar nebe tenki halao.

Problema ba publiku maka ne'e, ho kasu Ana Pessoa nian maka ne'e, oinsa maka ema ida bele halao justisa, se justisa rasik buka hela nian?

Politika bele halo deklarasaun argumentu pro no kontra, maibe teste seriu ba kredibilidade ba ema nebe maka kaer makina justisa rasik. Kasu PJR Ana Pessoa hatudu momos katak Justisa sei fraku hela no facil manipuladu hodi atinji ba objektivu politika grupus nian!

Senadu Universitariu UNTL hato petisaun konaba UNTAS bazeia ba dokumentus falsifikadus hatun deit kredibilidade UNTL nian

Dili. Aileba Lian (AL), Conselho Senado Estudantil-UNTL hato petisaun ba orgauns soberania sira konaba existensia UNTAS bazeia deit ba dokumentus falsifikadus. Ne'e hatun liu kredibilidade UNTL, Instituisaun Universitariu Publiku nia naran.

Hare didiak dokumentus, hatudu momos iha falsifiaksaun, iha fulan ida ba kotuk, naran membrus UNTAS sira ne'ebe iha Timor-Leste, hakerek naran kompletu no okupa kargu saida. Oras ne'e fali, mos iha exijencia Conselho Senado Estudantil-UNTL nian ho naran deit maibe kargus la iha. Iha fulan ida nia laran, maka mosu dokumentus ninia kontiudu hanesan maibe mosu erros, publiku iha duvida konaba orjinalidade dokumentus sira ne'e rasik.

Falsifikasaun seluk, sira mos kopi deit, artigu Pe. Gregorius Neon Basu, SVD, hatun iha Timor Express, hodi tau hanesan dokumentus oficial UNTAS nian. Falsifikasaun ba obras/propriatariu intelektual ema seluk nian, ne'e krimi.

Oinsa maka ita nia futuru jovens intelektual sira ninia "daya nalar intelektual bele monu hanesan has tasak ba probaganda baratu? Se dehan jovens intelektual maka futuru Nasaun Timor-Leste nian, oinsa los sira ne'e atu lori Nasaun ba ne'ebe los?".

Partidu FRETILIN-Revolucionario dehan 2012 la iha koligasaun

Camarada sira oinsa maka bele rekopera fali votus ne'ebe lakon iha 2007?

Dili. Aileba Lian (AL). Partidu FRETILIN-Revolucionariu dehan katak iha eleisaun 2012 la iha koligasaun ho partidu ne'ebe deit, inkluindu CNRT, hakerek Jornal Nacional Diario (JND), edisaun Segunda-feira (14/03/2011). Kasu Lia hirak ne'e husi Sekretariu Jeral Partidu FRETILIN Mari Alkatiri wainhira halao konsolidasaun ba estrutura Partidu FRETILIN-Revolucionariu iha Sub-Distritu Kristu Rei.

Partidu FRETILIN-Revolucionariu, fiar los atu manan mesak, karik ne'e hanesan espresaun ba frustrasaun ka, meramente diskursu ba anima participantes sira. Realidade maka ne'e, atu manan ka ukun mesak, partidu FRETILIN-Revolucionariu tenki rekopera metade husi eleitoradus ne'ebe iha eleisaun 2007 desvia sira votus ba partidus sira seluk.

Atu rekopera ba votus ne'ebe desvia sira nia votus husi Partidu FRETILIN-Revolucionariu, karik governasaun AMP lidera husi PM Kay Rala Xanana Gusmao, halo no halao buat ne'ebe maka pior liu Partidu FRETILIN-Revolucionario nia ukun, 2002-2007. Karik PM Kay Rala Xanana Gusmao, hasae tan lia fuan pejorativu hanesan: Veteranus sira mesak fuk la fase II, Serjana SUpermi II, Bispos sira Vatikanu maka hili II, Caixa ka kaixote II.

Se nune hafoin sira saudades ka kangen fali ba vota ba Partidu FRETILIN-Revolucionariu, ne'ebe lidera nafatin husi Lu'olo/Mari ALkatiri.

Maibe realidade ohin loron oin seluk, neduni sentidu votus ba Partidu FRETILIN-Revolucionariu sei tun tamba fenomena no dinamika politika ne'ebe existe dadaun oras ne'e!

Partidu FRETILIN (Revolucionario) husu Governu regula folin fós, maibe MTCI mos fó han Bosu Camarada sira barak

Dili. Aileba Lian (AL), Partidu FRETILIN (Revolucionario) husu Governu regula folin fós dehan Josefa Pereira, hakerek Jornal Nacional Diário (JND) iha ninia edisi sexta-feira (11/03/2011). Haktuir tan Deputada Josefa Pereira, ”husu MTCI regula konaba folin fós ne’ebe sae kleur ona, to’o ona folin 20-25 Dolares saka ida (idem)”.

Maske partidu FRETILIN (Revolucionariu) hase no kritika Governu AMP liliu MTCI hodi regula fós nia folin iha merkadu, ne’ebe prejudika liu povo maubere/AIleba sira, tuir sumber AL iha MTCI katak” durante ne’e kompanias barak maka ligadu ba Partidu FRETILIN (Revolucionariu) maka hetan beneficiu barak husi MTCI, liu husi fós ba kompanias sira ne’ebe ligadu ba FRETILIN (revolucionariu) no mos licensa ba kompanias liur ne’ebe tama mai Timor-Leste liu husi Camaradas sira. Neduni MTCI mos fó han bosu Camaradas sira barak”!

Partidu FRETILIN (Rekonstrusaun) sei lori Dosente UNTL ba Tribunal

Dili. Aileba Lian (AL), Partidu FRETILIN (Rekonstrusaun) sei lori doesente UNTL Matias Guilherme ba Tribunal, haktuir membru Fretilin (Rekonstrusaun) ba Timor Post, edisaun Quinta-Feira (10/03/2011), haktuir Hercio Campos iha ninia knar fatin. Tenik tan Hercio Campos, Presidente CCI Dili, "dosente ida la hatene saida maka Prejunsaun ba Inocencia ba ema ida nian, hatene julga arbiru deit", defende Hercio Campos.

Iha mos Timor Post, Ricardo Nheu, nudar fundador ba Partidu Fretilin (Rekonstrusaun) katak "sei hamutuk ho fundadores sira seluk, lori dosente ne'e ba Tribunal, tamba nia akuza arbiru deit (idem)".

Dosente nudar ema intelektual ne'e subar an iha Universidade nia okus hodi defende interese partidu politiku, liliu ba interese Partidu Fretilin (Revolucionariu). Iha konceitu Universidade maka Unir-as-Versoens, buka akumula versaoens hotu-hotu, husi perspektiva hotu-hotu. Wainhira dosente ida maka defende fali interese grupos ida nian, ninia idionidade moral intelektual ne'e publiku kestiona makas!

GFM nakfilak ba Partidu FRETILIN, muda naran husi Revolucionariu ba Rekonstrusaun

Dili. Grupu Fretilin Mudansas (GFM) sei nakfilak ba Partidu Fretilin, maibe muda maka naran deit, ninia diferensa maka mudansas husi Revolucionariu ba Rekonstrusaun, haktuir koordenador GFM, Vicente Maubocy cita Jornal Nacional Diario (JND) no Timor Posta (TP) ba edisaun tersa-feira (08/03/2011).

Ne'e reflekte ba dinamika politika ne'ebe existe iha Timor-Leste, GFM resiste kontra lidernasa Mari Alkatiri iha ninia governasaun to'o kongresu iha fulan Maio tinan 2006, ikus mai sira suporta CNR(rekonstrusaun)T, Kay Rala Xanana Gusmao nian iha eleisaun lejislativa 2007 no Presidencial apoio Horta 2007.

GFM decide hamrik mesak hodi avansa hanesan forsa politika ida, no ninia kontribuisaun importante ba debate politika iha tinan 2012, tamba sei altera konfigurasaun no komposisaun politika iha eleisaun 2012. Eleitorado partidu Fretilin sei ba hili ba partidus rua ho naran hanesan Fretilin (Revolucionariu) no Fretilin (Rekonstrusaun)!

Mari Alkatiri kandidatu ba PR 2012

Jakarta, Aileba Lian (AL). Mari Alkatiri, Sekretariu Jeral Partidu Fretilin, prontu kandidatu ba Presidente Republika (PR) iha tinan 2012. Haktuir lia hirak wainhira halao encontro ho lideransa Partidu Kesejahteraan Sosial (PKS) iha markas PKS nian, Jakarta, Indonesia.

Kadeira PR nudar tentativa ba dala ikus ba Mari Alkatiri molok atu pencium husi politika?

Bele mos ida maka ne'e, importante iha Nasaun Timor-Leste, cidadaun hotu-hotu iha ninia direitu ba kandidatu ba kargu saida deit no tur iha fatin nebe deit.

Maibe lideransa katuas sira mos tenke aten bot wainhira lakon ho labarik kiik sira, se nu kasu akontese.

Maske eleisaun PR sei hela tinan ida, maibe bursa capres ka kandidatu ba PR mosu naran-naran hanesan tuir mai ne'e: Ramos Horta hakarak rekandidatura, Abilio Araujo hakarak kandidatu, Manuel Tilman mos, Lasama atual Presidente Parlamentu Nasional mos hanesan.

Hein deit katak sira hotu kontribui ba debate no kampane positivu, ne'e sai nudar aktus edukativu ba povu!