MNE Zacarias Albano da Costa tenke husu deskulpa ba Povo no ba PSD tamba bosok

Dili ,Tur Hamutuk Media(THM,16/04). Ministru Negocius Estranjeirus (MNE),Dr. Zacarias Albano da Costa,tenke husu deskulpa ba povo no PSD,tamba bosok, haktuir Rui Costa, Direktur Exekuitivu NGO Tur Hamutuk. Tuir Rui Costa,”Zacarias Albano da Costa, durante ne´e koalia ba publiku konaba lia bosok, nia nega katak la haruka sms, povo rona no hare Zacarias Costa nia lian fuan fiar duni ba ema matenek bot hanesan sr.Zacarias nia lia fuan”. Tenik tan Rui Costa,”Zacarias mos bosok ba PSD ne´ebe nia rasik maka presidente”.

Dehan Direktur Exekutivu NGO TH ne´e,”husi Zacarias Albano da Costa nia lian bosok mosu konfusaun ba publiku, konfusaun ba nia partidu no mos konfusaun ba ninia aman fundador PSD, Mario Carrascalao”, dehan Rui Costa.

Explika tan Rui Costa ba THM,”ba povo Zacarias Costa bosok i kria konfusaun ba sira, bosok ba nia partidu PSD tamba husi nia bosok maka obriga bankada PSD ihan Uma Fukun halo deklarasaun politika hodi defende Zacarias Costa ho deit base ba lian bosok husi sira nia Presidente, bosok ba fundador PSD Mário Carrascalao,obriga sr. Mario Carrascalao mai defende nia iha publika ho base ba lian bosok”.

Haktuir tan Rui Costa,”iha quarta-feira (14/04) povo Timor-Leste tomak hare TVTL, hare no rona sr. Zacarias Costa nia bosok, wainhira nia rekonece duni katak haruka sms ba Gabinete Primeiru-Ministru konaba ninia resignasaun. Wainhira PM Kay Rala Xanana Gusmão dehan ba Ministru katak ita bot maka sala, Minist
U Zacarias doku ulun hodi simu nia sala no hetan perdaun husi PM nudar xefi Governu”,dehan Rui Costa.

“Oinsa maka hasae dignidade politika no moral Zacarias Albano da Costa nian, diak liu husu deskulpa ba povo Timor-Leste, ba PSD no ba sr. Mário Carrascalao, tamba nia koalia bosok”,defende Rui Costa.

Iha sr. Mário Carrascalao nudar Vice PM no fundador PSD, haktuir ba Angola Press katak “nia hakfodak no magoadu, wainhira rona katak MNE Zacarias Albano da Costa haruka duni sms ba GPM konaba ninia resignasaun, tamba durante ne´e Zacarias la koalia lolos ba nia(Angola Press,14/04)”. Iha biban seluk mos, Deputadu Riak Leman husi PSD, dehan katak “husi partidu PSD maka husu rasik ba Presidente PSD, Zacarias Albano da Costa,hodi husu deskulpa ba PM Kay Rala Xanana Gusmao iha Konseilu Ministru iha quarta-feira (14704), haktuir iha uma Fukun PN ba journalistas sira (TVTL,14/04)!

Kontaktu: Tur Hamutuk Média,Av.Presidente Nicolau Lobato, Nº.7,
Dili, Timor-Leste, email: th-media@yahoo.com