Tur Hamutuk Media (THM). Fretilin sei lakon iha eleisaun lejislativa 2012, kasu lia hirak ne'e husi Rui Costa, Direktur Exekutivu ONG Tur Hamutuk iha nia knar fatin ba THM, Segunda-feira (13/12/2012). Haktuir tan Rui Costa, "target FRETILIN Governu AMP ukun to'o deit fulan nem(6) ba tinan ida (1), maibe espekulasaun ida ne'e faila". Tenik tan Rui Costa, "Governu AMP ukun liu ona tinan tolu (3), difcil ba partidu Fretilin atu rekopera". Argumenta tan, Direktor Exekutivu ONG Tur Hamutuk, "ho performence husi IV Governu Konstitucional, dificil ba Fretilin atu rekopera terenu perdidu iha tinan hirak ne'ebe maka lakon ukun".
Haktuir tan Rui Costa, "Fretilin agora sira nia kilat no kartus maka oinsa maka uja korupsaun nudar arma ba sira iha 2012, neduni buka explora maximu isu korupsaun", defende Rui Costa, Direktur Exekutivu ONG Tur Hamutuk.
Dehan tan Rui Costa, "konaba korupsaun, Governu Fretilin mos koruptus, pior liu maka sira halo Lei Pensaun Vitalicio hanoin ba sira nia an, la hanoin ba povu, ne'e korupsaun politika, material no moral", argumenta Rui Costa.
#
Sedu liu, koalia kona ba resultadu eleisaun 2012.
ResponderEliminarLos duni, katak FRETILIN nia 'ramalan' sira sai lian 'MAMUK' deit duran tinan hira ikus iha maun boot Alkatiri nia ukun. Komesa husi Governu AMP atu monu iha fulan 6 ka tinan 1 (hanesan temi iha leten), kona ba Marsa da Pas, kona ba Eleisaun Antisipada, kona ba Marsa da Vitoria,... mehi mos kona ba 'sapu bersih' iha eleisaun 2012. Idea sira ne'e mesak diak, maibe huu liu deit hanesan anin no la realiza buat ida. Mais se ita koalia ona kona ba resultadu eleisaun 2012, hanon sei sedu liu,... buat barak sei akontese iha 2011 no 2012 antes tama ba eleisaun.
FRETILIN toman ona hamrik mesak, lakoi halo koligasaun ho partidu sira seluk, ikus mai partidu sira seluk mos lakoi halo koligasaun ho FRETILIN, so partidu KOTA no PPT deit mak hakarak mas sei la iha impaktu boot. Iha posisaun ida ne'e, FRETILIN bele fiar-an metin, no iha esperansa katak partidu sira be agora halibur-an iha AMP sei nakfera no hamrik mesak-mesak iha eleisaun 2012.
Se partidus AMP sira nakfera, CNRT sei la bele ukun mesak, ho kalkulasaun katak sei la hetan votus 50%+1. Hanesan mos PD, PSD, ASDT no seluk sei la hetan votus to'o 50%+1.
Karik FRETILIN bele mesak hetan votus 50%+1...? hau fiar katak sei la hetan.
Entaun, saida mak akontese iha eleisaun 2012, lobi entre partidus poitiku sira sei intensivu tebes, no karik FRETILIN tenta loke-an halo koligasaun ho partidus seluk ho kondisaun ruma ne'ebe determina hamutuk, no espera iha partidu ruma mos hakarak halo koligasaun ho FRETILIN.
Karik liderasa FRETILIN nian iha mudansa boot iha kongresu FRETILIN 2011, dalan ba ukun-an mos sei nakloke luan, ho kalkulasaun katak iha mos mudansa radikal iha strutura CCF FRETILIN nian.
CNRT komesa ona deklara, hakarak ukun mesak iha 2012 ba oin, hatudu katak la kontenti ho koligasaun ne'ebe iha, no buka dalan oinsa bele atinji votus 50%+1, hau fiar mos katak sei la hetan.
Se FRETILIN nia lideransa no strutura CCF, iha mudansa radikal durante kongresu 2011, bele mos loke dalan ba koligasaun entre FRETILIN ho CNRT.
Entaun, ita seidauk bele halo prediksaun, saida mak sei akontese iha eleisaun 2012,... politika bele deit halo mudansa iha kualker tempu no situasaun, inimigo bot bele sai fali amigo raidiak, amigo rai diak bele sai fali inimigo boot.
ita hein no hare tok, maun politiku nain sira ninia jeitu, ohin kolia nune'e, aban bele kontra fali nia lia fuan rasik, ohin hakrak nune'e, aban hakarak oin seluk fali, ohin gosta ida ne'e, aban gosta ida seluk fali,... buat sira ne'e mak politiku nia lalaok.
Ita husu barak, buar hotu lao tuir dalan demokrasia, no sei la halo terus tan povu rai ida ne'e.
Ita tenki hamutuk hodi hatun korruptor sira. AMP sai duni ezemplu ne'ebe hatudu ona mai Timor oan tomak katak sira Koruptor duni. Tamba AMP : AMI MERAH PUTIH. RUI COSTA nia analiza ne'e mai husi ne'ebe? Keta ita mos AMP hotu karik. Se AMP hateten deit labele tabele fali ba ONG.
ResponderEliminarHau pesoal apoio mos husi maun Bere Buti nia koalia, sedu liu atu koalia kona ba resultado Elisaun 2012. Se karik Sr. Rui da Costa fo ninia argumento kona ba Elisaun 2012 antao ne hatudu katak Sr. Rui iha ona rencana atu manan Elisaun ida ne. Hanesan Txaikery koalia se Sr. Rui lori an nudar NGO hau sente diak liu lalika koalia kona ba ida ne, hare tau an nudar ema nebe servico ba NGO no servico ba rai doben Timor. Maibe husi Sr. Rui nia koalia ne hatudu katak Sr. Rui inclina an iha partido ruma, tamba ne mk Sr. Rui fo argumento katak FRETELIN sei lakon iha 2012. Ho rajao saida mk Sr. Rui koalia hanesan ne? karik la gosta? ou tamba laos husi parti refere?
ResponderEliminarTUIR HAU NIAN HANOIN, ONG Tur Hamutuk Media (THM), halo ramalan ida keta halo iha tendensia Politik karik.....tamba ONG ida nemos tenkiser hakilar makas Liu-liu Defende Govenu nebe Ukun para nia mos bele hetan osan husi GOvernu. Hau bele dehan katak Governo mak iha Osan no ONG sempre depende ba Governo. Hare deit Nasaun Doadores mos kumesa menus dadauk ona, ONG Internacional barak iha Dili laran Kumesa taka tamba osan laiha.
ResponderEliminarTuir ami Maubere Ain Tanan nian hanoin mak ne'e nudar ONG ida molok halo komentario ida hare didiak, kazu nebe nia hateten ne lembra duni nia pozisaun hanesan ONG nebe Independente kalae´??
Hau hakarak komenta oituan, ONG Tur Hamutuk Media (THM) nu'udar mos orgaun komunikasuan sosial ida, ne'ebe karik atu hatun notisia ruma tenke iha balansu ba informasaun. tanba tuir hau nia observasaun notisia sira ne'ebe publika ne'e hanesan fali artikel politiku hosi ema politika nain sira, laiha liu karakter jornalismu ninian. ne'ebe hakarak ema atu le Sr. Dr. Rui nian blog ne'e karik, entaun hatudu oituan ita nia bo'ot profesionalisme iha area ida ne'e. (jornalismu ninian),, abraco, bom ano
ResponderEliminarNe'e mehi deit husi Grupo oan ida ka ONG ida,maibe mehi ne'e bele transforma ba realidade no mos sei sai pesadelo ba sira nebe fiar los katak FRETILIN sei manan.Sei...ne'e los no akontese no mos bele la los no akontese kontrariu.
ResponderEliminarProblema maka ne'e,kampane husi FRETILIN rasik tenke modera ninia lia fuan,labele kaer deit isu oan ida,maka korupsaun.Se korupsaun ka koalia korupsaun permite governo ka partidus sira AMP mos halo kampane konaba korupsaun Governu Fretilin nian.
Ikus se maka konvence liu povu hodi hili?Povu soberano...
Viva Povo Maubere!
Elimina Lei Pensaun Vitalicia!